Virgin Galactic֊ը կոմերցիոն թռիչքի երկու տոմս է խաղարկում դեպի տիեզերք

Virgin Galactic-ը, որը հաջողությամբ ավարտեց իր Unity տիեզերանավի առաջին թռիչքը չորս հոգանոց անձնակազմով, երկու տոմս է խաղարկում տիեզերական կոմերցիոն թռիչքի համար, որը նախատեսված է 2022-ի սկզբին:

«Հաղթողը կստանա երկու տեղ՝ մեկը հաղթողի, մյուսը՝  նրա կողմից ընտրված հյուրի համար», - ասված է դրամահավաք պլատֆորմի կայքում տեղադրված հայտարարության մեջ, որը վարում է Virgin Galactic֊ի հետ վիճակահանությունը: Խաղարկությանը մասնակցության հայտերն ընդունվում են մինչև սեպտեմբերի 1-ը:

Հաղթողի անունը հայտնի կդառնա սեպտեմբերի 29-ին: Նշվում է, որ մասնակցությունն անվճար է, բայց եթե մասնակիցը ցանկանում է մեծացնել հաղթելու հնարավորությունը, նա ստիպված կլինի վճարել որոշակի գումար: Այսպիսով, որպեսզի մասնակիցը հայտատուների ցուցակում նշվի 2 հազար անգամ, նա ստիպված կլինի 100 դոլար մուտքագրել: Կանոնների համաձայն՝ մասնակցի անունը կարող է նշվել մինչև 6 հազար անգամ: Հավաքված միջոցները կտրամադրվեն Space For Humanity ոչ առևտրային կազմակերպությանը: Տիեզերական թռիչքից բացի՝ հաղթողը շրջագայելու է Spaceport America-ում՝  Virgin Galactic֊ի սեփականատեր Ռիչարդ Բրենսոնի գլխավորությամբ: Ենթադրվում է, որ հաղթողին կվճարվի նաև 127,5 հազար ԱՄՆ դոլարին համարժեք գումար: