ԱՄՆ կառավարությունը 950 հազար դոլարով կաջակցի հայ-ամերիկյան թանգարանի և մշակութային կենտրոնի կառուցմանն ու զարգացմանը. Ադամ Շիֆ
Արտաքին Քաղաքական
ԱՄՆ կոնգրեսական Ադամ Շիֆը Ֆեյսբուքի իր էջում անդրադարձել է հայ-ամերիկյան թանգարանի կառուցմանն ու ԱՄՆ կառավարության ֆինանսական աջակցությանը:
«Ուրախությամբ պետք է տեղեկացնեմ, որ դաշնային կառավարության 2022-ի ֆինանսավորման օրինագծում ներառվում է 950 հազար դոլար աջակցություն՝ հայ-ամերիկյան թանգարանի և մշակութային կենտրոնի կառուցման ու զարգացման համար: Այս ֆինանսավորումը դաշնային կառավարությանը գործընկեր կդարձնի տեղական ինքնակառավարման մարմինների և մասնավոր հատվածի հետ այս կարևոր մշակութային կառույցի ստեղծման գործում:
Պատիվ է աշխատել իմ ամերիկահայ ընտրողների կողքին` հանուն ճանաչման և արդարության: Այս միջոցներով մենք կարող ենք օգնել ապահովել, որ դժվարությունների, համառության և նոր մեկնարկների առջև ձեր հույսի պատմությունները փոխանցվեն գալիք սերունդներին»,- գրել է ամերիկացի կոնգրեսական Ադամ Շիֆը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
