Սերգեյ Փարաջանովի ցուցահանդեսը Մոսկվայում (ֆոտոշարք)

Երևանի Սերգեյ Փարաջանովի թանգարանից Մոսկվա են բերել շուրջ յոթանասուն աշխատանք։ Հիմնականում դրանք հայտնի ռեժիսոր- նկարչի կոլաժներն են, նաև հազվադեպ լուսանկարները։ Ցուցահանդեսը կոչվել է «Տուն, որտեղ ես ապրում եմ»։

Հյուրերին ընդունում են հայկական ազգային տարազներով և Երևանից բերված մրգերով։ Ահա և հյուրընկալ տանտերը՝ Սերգեյ Փարաջանովը։ Նա հրավիրում է «Տուն, որտեղ ինքն ապրում է», թեև այդ տանը հանրահայտ ռեժիսորը ընդամենը մի քանի անգամ է եղել, իսկ ապրել այնտեղ այդպես էլ չի հասցրել։

Թանգարանը բացել են Սերգեյ Փարաջանովի մահվանից մի քանի տարի անց՝ 1991թ.։ Այնտեղ իր նկարներն են, քանդակները և կոլաժները։

Ցուցահանդեսի կազմակերպիչը անձամբ գնացել է Երևան, որպեսզի 500 գործերից ընտրի 70-ը՝ մոսկովյան ցուցահանդեսի համար։
Ցուցահանդեսի շրջանակներում ռեժիսորի ֆիլմերից ևս կցուցադրվեն։ Սակայն եթե անգամ բոլորը նայես և մի քանի անգամ, իսկ յուրաքանչյուր կոլաժը ուսումնասիրես խոշորացույցի օգնությամբ, միևնույն է, Փարաջանովի առեղծվածը այդպես էլ չես բացահայտի։ Ինչ-որ անբացատելի ձգողականություն կա նրա արվեստի մեջ։

Ֆիլմը չի կորցնում իր արդիականությունը, իսկ Փարաջանովի թանգարանը շարունակում է մնալ ամենաայցելվողը Երևանում։ Այս մասին հայտնում է vesti.ru–ն։

{gallery}sergey{/gallery}