Ասադ. Թուրքիան երազում է նոր Օսմանյան Կայսրություն ստեղծելու մասին

Թուրքիայի կառավարությունը, հոգ չտանելով իր ազգի շահերի մասին և ղեկավարվելով բացառապես սեփական հավակնություններով, երազում է նոր Օսմանյան Կայսրություն ստեղծել, գրում է SalamNews-ը։

Այս մասին եգիպտական Ալ-Ահրամ պարբերականին իր հարցազրույցում ասել է Բաշար Ասադը։ Սիրիայի նախագահը խստորեն դատապարտել է թուրքական կառավարությանը, որն աջակցություն է ցուցաբերում սիրիական զինված ընդդիմությանը՝ կառավարության դեմ նրա պայքարում։
Բաշար Ասադը Թուրքիային մեղադրել է իր սահմանները և օդանավակայանները ընդդիմադիրների ու նրանց աջակիցների համար բացելու, միջազգային իրավունքը կոպտորեն խախտելու համար։

Բաշար Ասադը մեղադրել է նաև Քաթարին, որը արևմտամետ քաղաքականություն է վարում՝ զենք և ֆինանսական օգնություն ցուցաբերելով ահաբեկիչներին, ինչպես նաև Սիրիայում լիբիական սցենարը կրկնելու մտադրության մեջ։ «Սիրիական կառավարությունը հաղթանակ կտանի ահաբեկիչների դեմ, որոնց աջակցում են Թուրքիան, Քաթարը և Սաուդյան Արաբիան, քանի որ ընդդիմությունը չունի սիրիական ժողովրդի աջակցությունը»,-հայտարարել է Բաշար Ասադը։