ՔՊ-ական պաշտոնյայի ճոխ գնումները. ինչով է աչքի ընկել Դիլիջանի «արու» քաղաքապետը

«Տեղական ինքնակառավարման մասին» Հայաստանի Հանրապետության օրենքի 27-րդ հոդվածի 2.1-ին մասին համապատասխան` վարչապետ Նիկոլ Փաշինյանը 5 ամիս առաջ որոշում է ստորագրել, ըստ որի՝ Դավիթ Սարգսյանը նշանակվել Դիլիջան համայնքի ղեկավարի պաշտոնակատար: Ինչպես գիտենք՝ Դիլիջանի քաղաքապետի պաշտոնակատարը բենզալցակայանի նախկին աշխատակից է։

Ի՞նչ է հասցրել անել վերջինս քաղաքապետի ԺՊ-ի պաշտոնում: Վերջինս հասցրել է «Գունաշեն» ՍՊԸ-ից 38950,000 ՀՀ դրամի շենքերի վերանորոգման ծառայություններ գնել: «Խաչմիշշին» ՍՊԸ-ից 41415.000 ՀՀ դրամի ճանապարհների վերանորոգման ծառայություն է գնվել: «UԻՓԻԷՍ OԻL» ՍՊԸ-ից գնվել է 1356756 դրամի դիզվառելիք: Ալվդարդ Հարությունյան ԱՁ-ից գնվել է 3000000 ՀՀ դրամի շարժական աղբամաններ: Կրկին «ՍիՓիԷս»-ից գնվել է 5408000 ՀՀ դրամի բենզին: «Պատրոն ՌՄ» ՍՊԸ-ից գնվել է 599400 ՀՀ դրամի համակարգչային ծառայություններ: «ԴԷ-ԱՈՒՌՈՒՄ» ՍՊԸ-ից գնվել է 2000,000 ՀՀ դրամի «Դիլիջան քաղաքի բազմաբնակարան բնակելի շենքերի վերանորոգման և էներգաարդյունավետ աշխատանքների տեխնիկական հսկողություն» ծառայություն:

Դավիթ Սարգսյանը այս ընթացքում չի ներկայացրել իր հայտարագիրը:

Դիլիջանի քաղաքապետարանի կայքից ակնհայտ երևում է, թե ինչ բուռն աշխատանքային գործունեություն է ծավալել քաղաքապետի ԺՊ-ն: Կայքում զետեղված ինֆորմացիայի համաձայն` ցուցադրվել է «Դիլիջանի ներառական թատրոն» ծրագրի մասնակիցների «Իմ կյանքի գույները» ներառական ներկայացում կամ, օրինակ, Գեղարվեստի դպրոցի շրջանավարտների դիպլոմային աշխատանքների ցուցադրությունը: Համայնքապետարանում նաև շատ կարևոր իրադարձություն է տեղի ունեցել՝ ընդունել են նորածինների մայրերին: Ինչ վերաբերվում է քաղաքապետի ԺՊ-ին, ապա նա միայն մեկ անգամ է նշմարվել կայքում զետեղված լուրերում՝ շնորհավորելով շրջանավարտներին վերջին զանգի կապակցությամբ:

Մամուլում նաև տեղեկություն էր տարածվել, որ Դիլիջան քաղաքի նոր քաղաքապետի հրամանով  էտում են Ջրհողերի թաղամասի եղևնիները։ Այդ փողոցը ամբողջ քաղաքի ամենագեղեցիկ վայրերից մեկն է։ Հետաքրքիր է՝  ուրիշ որտե՞ղ կտեսնեք, որ քաղաքապետը իր իսկ ձեռքով վարի տա քաղաքի այցեքարտերից մեկը։