Էրդողանը ժամանել է Հյուսիսային Կիպրոսի ինքնահռչակ թուրքական հանրապետություն
Թուրքիա
Թուրքիայի նախագահ Ռեջեփ Թայիփ Էրդողանը երկօրյա պաշտոնական այցով ժամանել է Հյուսիսային Կիպրոսի ինքնահռչակ թուրքական պետություն:
«Արմենպրես»-ի փոխանցմամբ՝ այս մասին հայտնում Kıbrıs Haber-ը:
Հուլիսի 20-ին Էրդողանը ելույթով է հանդես գալու խորհրդարանի հատուկ նիստին, որտեղ խոստացել է «լավ լուր» հրապարակել: Նա նաև ներկա է լինելու ռազմական զորահանդեսին:
Էրդողանի հետ Հյուսիսային Կիպրոս են այցելել նաև Թուրքիայի մեջլիսի խոսնակ Մուստաֆա Շենթոփը, «Ազգայնական շարժում» կուսակցության ղեկավար Դևլեթ Բահչելին, Խորհրդարանական պատվիրակության այլ անդամներ:
1974 թվականի հուլիսի 20-ին Թուրքիան ներխուժել է Կիպրոս՝ օկուպացնելով կղզու հյուսիսային հատվածը: Թուրքական ուժերը Հյուսիսային Կիպրոսից տարհանել են հարյուր հազարավոր հույների և այն բնակեցրել թուրքերով, իսկ արդեն 1983 թվականին այստեղ հռչակել են այսպես կոչված «Հյուսիսային Կիպրոսի Թուրքական Հանրապետությունը», որ ճանաչված չէ միջազգային հանրության կողմից: Այն ճանաչում է միայն Թուրքիան:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
