ԱՄՆ-ը բավարարված չէ Սաֆարովի գործով Բաքվի բացատրություններով
ԱՄՆ
Ամերիկայի Միացյալ Նահանգները բավարարված չէ ութ տարի առաջ Հունգարիայում ՆԱՏՕ-ի կազմակերպած դասընթացների ընթացքում հայազգի սպային կացնահարած ադրբեջանցի Սաֆարովի գործով Բաքվի և Բուդապեշտի բացատրություններով. գրում է Asbarez-ը։
Սեպտեմբերի 20-ին Միացյալ Նահանգների պետքարտուղարի Եվրոպայի եւ Եվրասիայի հարցերով տեղակալ Ֆիլիպ Գորդոնը Եվրոպական քաղաքականության վերլուծության կենտրոնի ԱՄՆ-Կենտրոնական Եվրոպա ռազմավարական ֆորումում ասել է, որ Վաշինգտոնը շարունակում է Բուդապեշտին իր «շփոթմունքն ու հիասթափությունը» հայտնել Ռամիլ Սաֆարովին ազատ արձակելու գործով։
Նա ասել է, որ Վաշինգտոնը նույն ուղերձն է հղում Ադրբեջանի կառավարությանը, որը ներում է շնորհել Սաֆարովին և օգոստոսի 31-ին, նրա վերադառնալուն պես, նպաստել նրա ծառայողական առաջխաղացմանը։
«Մենք սարսափած էինք, երբ լսեցինք մի մարդու փառաբանման մասին, որը դատապարտված էր մարդասպանության համար»,-ասել է Գորդոնը։ Նա այս գործն անվանել է «իսկական սադրանք տարածաշրջանում»։
Եվրամիությունը, ԵԱՀԿ Մինսկի խումբը, Ռուսաստանը և Հունգարիան իրենց մտահոգությունն են հայտնել Սաֆարովի ներման և առաջխաղացման գործով։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
