Թուրքիան մտադիր է Իրանից ներկրվող գազի մի մասը ներմուծել այլ երկրներից

Անկարան բանակցություններ է վարում Սաուդյան Արաբիայի, Լիբիայի և Ռուսաստանի հետ`Իրանի փոխարեն այդ երկրներից նավթի ներմուծման ծավալները մեծացնելու նպատակով. հայտնել է Թուրքիայի էներգետիկայի և բնական պաշարների նախարար Թաներ Յիլդիզը. հայտնում է Sabah-ը:

«Իրանից նավթի պաշարների մատակարարման կրճատման պատճառով մենք բանակցում ենք նաև այլ պետությունների հետ, որպեսզի Թուրքիան չունենա նավթի պակաս»:

Նավթի ներմուծումը Թուրքիա 2012թ. հուլիսին կրճատվել էր 22 %-ով` ի տարբերություն նախորդ ամսվա՝ կազմելով 1,4 մլն տոննա:
Թուրքիան Իրանից տարեկան ներկրում է 8 մլն տոննա նավթ և 8մլրդ խորանարդ մետր գազ: