Թուրքիայում ժամկետային զինծառայողը երկու սպա է գնդակահարել

Երեկ՝ դեկտեմբերի 10–ին, Թուրքիայի Հաթայ նահանգում ժամկետային զինծառայող Ադեմ Այդեմիրը գնդակահարել է երկու սպաների: Այս մասին հայտնում է թուրքական "Hurriyet"-ը։

Միջադեպը տեղի է ունեցել Սիրիայի հետ սահմանային անցակետերից մեկում։

"Hurriyet"-ի հաղորդմամբ, տեղական ժամանակով ժամը 23-ի սահմաններում զինծառայող Ադեմ Այդեմիրի և հրամանատարների միջև լեզվակռիվ է սկսվել, որի արդյունքում զինվորը հրազենով ծանր վիրավորել է երկու սպաների: Վերջիններս տեղափոխվել են հիվանդանոց, որտեղ և մահացել են:

Զինծառայողը ձերբակալվել է, դեպքի պատճառները` քննվում: