Հայաստանն այսօր չունի մշակած քաղաքականություն Ադրբեջանի ու տարածաշրջանի նկատմամբ

Այսօր լրագրողների հետ հանդիպման ժամանակ «Ղարաբաղ» կոմիտեի անդամ Աշոտ Մանուչարյանը, անդրադառնալով անկախություն ձեռք բերած Հայաստանի առաջին տարիների որդեգրած արտաքին քաղաքականությանը, նշեց, որ Հայաստանն ուներ հստակ մշակված քաղաքականություն Ադրբեջանի ու տարածաշրջանի նկատմամբ։

«ՀՀ–ն ուներ հստակ մշակած քաղաքականություն Ադրբեջանի ու տարածաշրջանի նկատմամբ, ինչը չունի այսօր: Մենք ունեինք «Կովկաս» ակումբ, որն իրականացնում էր կովկասյան քաղաքականություն: Այսօր Հայաստանը չունի իշխանությունների կամ ընդդիմության կողմից մշակված արտաքին քաղաքականություն»,- ասաց նա և նշեց, որ դրա պատճառը մեկն է՝ Հայաստանը վարում է արտաքին ուժերի կողմից թելադրված քաղաքականություն:

«Բանն այն է, որ մեզ տվեցին բանաձևերի մի սրվակ ու ասեցին՝ խմե՛ք: Մենք խմեցինք ու դարձանք ստրուկ, դա նման էր թմրանյութի»,– եզրափակեց Մանուչարյանը: