Նախարարությունում շարունակվո՞ւմ են լավագույն ավանդույթները

Առողջապահության նախարարի 35-ամյա տեղակալ Արտյոմ Սմբատյանը կորոնավիրուսի տարածման թեժ պահին, երբ վարակման հարյուրավոր, իսկ մահվան տասնյակ  դեպքեր էին գրանցում, թանկարժեք ավտոմեքենա է գնել: Կոռուպցիայի կանխարգելման հանձնաժողովի կայքից տեղեկանում ենք, որ Արտյոմ Սմբատյանը 2020 թվականի հունիսի 29-ին 2016 թվականի արտադրության  MERCEDES-BENZ CLA 250-ի ավտոմեքենա է ձեռք բերել 10 մլն 400 հազար դրամով, որը համարժեք է 21 հազար ԱՄՆ դոլարի:

Առողջապահության փոխնախարար Արտյոմ Սմբատյանի կինն էլ՝ Գոհար Մկրտչյանն, աշխատում է Առողջապահության նախարարության ենթակայությամբ գործող երեք պետական բուժհաստատությունում, որտեղից ստանում է բավականին բարձր եկամուտներ: Այս տարվա մարտի 3-ին ներկայացված հայտարարգրի համաձայն` Արտյոմ Սմբատյանի կինն աշխատում է «Գրիգոր Լուսավորիչ» բժշկական կենտրոնում, որտեղից ստացել է 5,1 մլն դրամ աշխատավարձ, «Ինֆեկցիոն հիվանդությունների ազգային կենտրոնից»՝ 350 հազար դրամ եւ Ֆանարջյանի անվան ուռուցքաբանական ազգային կենտրոնից՝ 666 հազար դրամ: Գոհար Մկրտչյանի դրամական միջոցները կազմում են 2,7 մլն դրամ եւ 7,5 հազար  ԱՄՆ դոլար: Ուշագրավ է, որ «Գրիգոր Լուսավորիչ» ԲԿ-ից ԶԼՄ-ին փոխանցում են, որ չեն կարող ասել, թե փոխնախարարի կինը՝ Գոհար Մկրտչյանն ինչ աշխատանք է իրականացնում ԲԿ-ում: 

Ուշագրավ է, որ վերը նշված ԲԿ-ի պետպատվերը բավական կլորիկ գումար է կազմել՝ Ֆանարջյանի անվան ուռուցքաբանական ազգային կենտրոնին՝1,916,697.0 դրամ, Նորքին՝ 568,192.6 ՀՀ դրամ, Գրիգոր Լուսավորիչ ԲԿ-ին՝ 4,304,936.7: Սրանք 2019 թվականի տվյալներն են:

2021-ին նախարարությունը Գրիգոր Լուսավորիչ ԲԿ-ից հիվանդանոցների կողմից մատուցվող բժշկական ծառայություններ է գնել՝ 106,402,200,1,003,314,400,3,833,200,64,148,900,110,611,100,12,973,600 ՀՀ դրամի չափով:

«Նորք» ինֆեկցիոն հիվանդանոցից հիվանդանոցային ծառայություններ են գնվել՝ 7,825,600.314,386,300 ՀՀ դրամի չափով:

Զուգադիպություն է արդյոք, որ նախարարությունը նման սերտ կապեր է պահպանում հենց այն ԲԿ-ի հետ, որտեղ աշխատում է փոխնախարարի կինը, թե նախարարությունում շարունակվում են գեղեցիկ ավանդույթները: Հիշեցնենք, որ մամուլը բազմիցս էր անդրադարձել նախկին նախարար Արսեն Թորոսյանի կնոջ ԲԿ-ի ծաղկմանը՝ ամուսնու նախարար եղած տարիներին, ներկայիս նախարար Անահիտ Ավանեսյանի ամուսինն էլ իր հերթին է օգտվել պետական բարիքներից՝ 210 միլիոն դրամի դեղամիջոց վաճառելով պետությանը:

Այս թեմայով Ատելի ղեկավարները վաղ թե ուշ շատ անփառունակ են հեռանում․ Անժելա Էլիբեգովա Փոփոխություններ են կատարվել արցախցիներին բնակապահովման պետական աջակցության ծրագրի ընթացակարգում Չորս մարզերին 318,8 մլն դրամ կհատկացվի. գերակշիռ մասն ուղղված է Լոռու և Տավուշի մարզերում աղետի վերացմանը Փաշինյանի կառավարությունը հերթական դպրոցն է փակում ՈւՂԻՂ. Կառավարության հերթական նիստը