Wall Street Journal. Հենրի Քիսինջերը շեշտել է Թուրքիայի մեծ դերը Իրաքում և Աֆղանստանում

«Թուրքիան կարող է մեծացնել Իրաքում և Աֆղանստանում իր ռազմական ներկայությունը ԱՄՆ զորքերը դուրս բերելուց հետո»,- ասել է ամերիկյան քաղաքական գործիչ Հենրի Քիսինջերը Ստամբուլում ընթացող կոնֆերանսի ժամանակ։

«ԱՄՆ խիստ կարևորում է Անկարայի կողմից Վաշինգտոնի շահերը տարածաշրջանում չոտնահարելը։ Ակնկալում եմ, որ ԱՄՆ-ի և Թուրքիայի միջև համագործակցությունը այս հարցում կլինի կառուցողական»,– հայտարարել է Քիսինջերը։

Նա իր զեկույցում նշել է, որ ԱՄՆ բարձր է գնահատում Անկարայի ռադիոլոկացիոն կայանների տեղադրման որոշումը Թուրքիա-ՆԱՏՕ հարաբերություններում և ընդգծել, որ այստեղ համընկնում է Միացյալ Նահանգների և Թուրքիայի շահերը։

Գնահատելով Թուրքիայի և Իսրայելի միջև առկա լարվածությունը՝ վերջինս ընդգծել է, որ երկու կողմերն էլ այդ հարցում ունեն իրենց մեղավորությունը, սակայն պետք է գտնեն լուծումներ երկուստեք հարաբերությունները վերականգնելու հարցում։

Հիշեցնենք, որ Թուրքիա-Իսրայել հարաբերությունները լարվել էին այն բանից հետո, երբ թուրքական «Ազատության նավատորմի» վրա իսրայելական հատուկ ուժերը դեսանտ էին իջեցրել, ինչի արդյունքում տուժել էին նավում գտնվող թուրք քաղաքացիներ։