Bank of America-ն աշխատանքից ազատում է 16,000 աշխատողի

Bank of America-ն աշխատանքից ազատելու է մոտ 16,000 աշխատողի, ինչի հաշվին մտադիր է տնտեսել ավելի քան 1 մլրդ ԱՄՆ դոլար: Ներդրումային դժվար պայմաններում բանկը մտադիր է կենտրոնանալ իրենց հիմնական հաճախորդների սպասարկման մեջ:

Մինչև տարեվերջ բանկի աշխատողների թիվը կկազմի ընդամենը 260,000, որը 2008թ.-ից մինչև հիմա ամենաքիչն է: Նախկինում բանկի նախագահ Բրայան Մոյնիխանը հայտնել էր, որ մինչև 2014թ.-ը մտադիր է կրճատել 30,000 աշխատող: Նոր առաջարկի իրագործումը թույլ կտա բանկին իր խնայողական նպատակներն իրականացնել մեկ տարի շուտ, հայտնում է «Вести Экономика»-ն:

Բացի այդ՝ Bank of America-ն մտադիր է նաև կրճատել հիփոթեքային բիզնեսի ծավալները: Այդ նպատակի համար այս տարի աշխատանքից կազատվեն հիփոթեքային բաժնի 5,000-50,000 աշխատակից:

ԱՄՆ-ի ամենամեծ բանկը մտադիր է մինչև 2015 թվականը բանկի ծախսերը կրճատել տարեկան մինչև 8 մլրդ ԱՄՆ դոլարի չափով: Տվյալ միջոցառումն իրականացվելու է երկու եղանակով: Առաջին էտապով բանկի ծախսերը կրճատվելու են 5 մլրդ ԱՄՆ դոլարով, իսկ երկրորդ փուլով, երբ արդեն իրականացված կլինեն բոլոր կազմակերպչական փոփոխությունները՝ ևս 3 միլլիարդ դոլար: