Նիկոլ Փաշինյանը այլևս չի՞ վստահում Վահան Քերոբյանին

Վերջին շրջանում, կարծես թե, ակնհայտ է դառնում, որ նոր կառավարության կազմում Նիկոլ Փաշինյանը՝ էկոնոմիկայի նախարարի պաշտոնը այլևս չի վստահելու Վահան Քերոբյանին: Այդ մասին են վկայում մի շարք մեսիջներ, որոնք այս օրերին գալիս են կառավարության ղեկավարից: Մասնավորապես, վարչապետի պաշտոնակատար Նիկոլ Փաշինյանը կառավարության վերջին նիստերից մեկում հայտարարել է, որ 2021 թվականի համար պետական բյուջեի նախագծով կանխատեսվում է 6% տնտեսական աճ: Այս հայտարարությունը Փաշինյանը անում է իր թիմակցի՝ էկոնոմիկայի նախարարի այն պնդումների ֆոնին, որ տարվա վերջում ՀՀ -ում գրանցվելու է երկնիշ տնտեսական աճ: Համաշխարհային բանկը Հայաստանի տնտեսական աճն այս տարի գնահատել է 3.4%: Իսկ Վերակառուցման եւ զարգացման եվրոպական բանկի կանխատեսմամբ՝ 2021-ին Հայաստանը կունենա 4% տնտեսական աճ: Ստացվում է, որ Նիկոլ Փաշինյանը կամ լուրջ չի վերաբերում Քերոբյանի տնտեսական կանխատեսումներին կամ էլ որոշել է նրան պաշտոնից ազատել՝ խոստացված տնտեսկան աճ չապհովելու և մատից հոտ քաշելով քաղաքական և տնտեսական հայտարություններ անելու համար։

Փաշինյանը հակված չէ վստահելու նաև Քերոբյանի մեկ այլ մատնանշած ցուցանիշի՝ տուրիզմի 319 տոկոս աճին: Փաշինյանը, ով շատ օպերատիվ կերպով մատի փաթաթան է սարքում թիմակիցների կողմից հնչեցված այս կամ այն աննախադեպ թվերը, այս անգամ լռել է՝ չնկատելու տալով Քերոբյանի լավատեսական կանխատեսումները:

Փաշինյանի սրտով չէ նաև ներդրումների պակասը, ի հեճուկս նախարարի՝ հորդացող ներդրումների մասին հայտարարության, դրանք բացակայում են:

Այսօր էլ Վահան Քերոբյանը ուշագրավ հայտարարություն է արել` գրառման մեջ նշելով, որ մինչ պատերազմը հայկական բանակը ուժեղ չի եղել, մինչդեռ նախորդ տարի Տավուշում ունեցած հաջողություններից հետո Փաշինյանը հայտարարում էր, որ բանակը երբևէ այդքան ուժեղ չի եղել: