Ինչպե՞ս է փոխվել ՔՊ-ական թաղապետերի կյանքը հեղափոխությունից հետո

Երևանի ավագանին կրկին քննարկում է քաղաքապետարանի պաշտոնյաների աշխատավարձերը բարձրացնելու հարցը: Վարչական շրջանի ղեկավարների աշխատավարձերը նույնպես բարձրացվելու են, իհարկե, հասկանալի չէ` որ բուռն աշխատանքային գործունեության դիմաց: Այսօր որոշել ենք անդրադարձ կատարել և ցույց տալ՝ պաշտոնը ստանձնելու պահին և երեք տարի անց ինչ ունեցվածքի տեր են Երևանի թաղապետերը:

Դիցուք՝ Ավան վարչական շրջանի ղեկավար Արա Դանիելյանը պաշտոնը ստանձնելու պահի դրությամբ հայտարարագրել է GAZ 311000 ավտոմեքենան, և 12,000,000.00 դրամ: 2020-ին նա հայտարարագրել է նույն ավտոմեքենան,7,000,000.00 ՀՀ դրամ, 550,000.00 ռուսական ռուբլի և 4,866,720.00 դրամի աշխատավարձ:

Արաբկիր վարչական շրջանի ղեկավար Արամ Դանիելյանը պաշտոնը ստանձնելու պահին ուներ բնակարան` բազմաբնակարան բնակելի շենքում, 74400.00 դրամի արժեթուղթ, 3000000.00 և 16000000.00 ՀՀ դրամի փոխառություն, 22,000,000.00 ՀՀ դրամ, 17,000.00 ԱՄՆ դոլար, 1,800,000.00 ռուսական ռուբլի, 4,000.00 եվրո և 3,105,645.00 դրամի աշխատավարձ: 2020-ին հայտարարագրել է բնակարան, 13,000,000.00 և 2,000,000.00 դրամի փոխառություն, 18,000,000.00 ՀՀ դրամ, 15,000.00 ԱՄՆ դոլար և 3000 եվրո: 4,613,163.00 աշխատավարձ և 1,616,140.00 դրամի այլ եկամուտ՝ ֆինանսների նախարարությունից:

Դավթաշեն վարչական շրջանի ղեկավար Միքայել Թումասյանը պաշտոնը ստանձնելիս հայտարարագրել է բնակարան և անահատական բնակելի տունը՝ հողամասի վրա կառուցված, NISSAN ALTIMA 2.5 S ավտոմեքենան, 11,000,000.00 ՀՀ դրամի դրամական միջոց: 2020-ին Թումասյանի բանկային հաշիվների մնացորդները կազմել են 4,627,905.00 ՀՀ դրամ, աշխատավարձը՝ 4,637,738.00 ՀՀ դրամ, ստացված փոխառությունները՝ 4,627,905.00 ՀՀ դրամ:

Շենգավիթ վարչական շրջանի ղեկավար Ռազմիկ Մկրտչյանը 2018-ին հայտարարգրել է ընդամենը բնակարան: 2020-ին բնակարանին է գումարվել նաև աշխատանքի դիմաց ստացված վարձատրությունը՝ 5,019,058.00 ՀՀ դրամի չափով:

Նուբարաշեն վարչական շրջանի ղեկավար Անդրանիկ Գասպարյանը պաշտոնը ստանձնելիս հայտարարագրել է մեկ BMW ավտոմեքենա, 7,500,000.00 ՀՀ դրամ, 5,200.00 ԱՄՆ դոլար, 12,000.00 եվրո, 150,000.00 ռուբլի, աշխատավարձը կազմել է 1,200,000.00 ՀՀ դրամ: Տարեկան հայտարարագրում հետևյալ պատկերն է՝ կրկին նույն ավտոմեքենան,4,100,000.00 ՀՀ դրամ, 4,500.00 ԱՄՆ դոլար, 15,000.00 եվրո, 100,000.00 ռուբլի: Ստացված եկամուտները կազմել են՝ 3,174,743.00 ՀՀ դրամ, փոխառությունները՝ 10,000,000.00 ՀՀ դրամ: