Վախճանվել է վաստակաշատ դերասանուհի Մերի Շահբազյանը
Գիտություն և Մշակույթ
Ութսունութ տարեկանում կյանքից հեռացել է Հ. Պարոնյանի անվան երաժշտական կոմեդիայի պետական թատրոնի վաստակաշատ դերասանուհի Մերի Շահբազյանը:
Այս մասին հաղորդագրություն է զետեղվել թատրոնի «Ֆեյսբուքի» պաշտոնական էջում:
Մերի Շահբազյանը ծնվել է 1932 թվականին Սոչիում։ 1941 թվականին տեղափոխվել է Երևան, ստացել միջնակարգ կրթություն, այնուհետև 1953-1958 թվականներին սովորել է Երևանի գեղարվեստաթատերական ինստիտուտի դերասանական ֆակուլտետում Վավիկ Վարդանյանի արվեստանոցում: 1958 թվականից աշխատում էր Հ. Պարոնյանի անվան երաժշտական կոմեդիայի պետական թատրոնում:
Խաղացել է «Ալվան ծաղիկ», «Պահանջվում է ստախոս», «Ոչնչից մեծ աղմուկ», «Վինձորի զվարճասեր կանայք», «Ժորժ Դանդեն», «Գլխի գինն է 50 միլիոն», «Թութակները վանդակում», «Վենետիկյան երկվորյակներ», «Ծղնեթցի Մայան», «Հրաշալի օր», «Շշմեցուցիչ հարված», «Երազիկ», «Երևանյան վարդեր» և մի շարք այլ ներկայացումներում:
Ամենադիտված 
Ջուր չի լինի` դեկտեմբերի 24 և 25-ին մի շարք հասցեներում
