ԱՀԿ-ն կոչ է անում մորատորիում սահմանել կորոնավիրուսի դեմ պատվաստման վերաբերյալ

Մինչև սեպտեմբերի վերջ անհրաժեշտ է ժամանակավոր մորատորիում մտցնել՝ վճարումների հետաձգում սահմանել կրկնակի պատվաստումների վերաբերյալ, հայտարարել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեեսուսը:

«Մենք կոչ ենք անում ազդեցություն ունեցող բոլոր անձանց՝ օլիմպիական մարզիկներին, ներդրողներին, բիզնեսի առաջնորդներին, կրոնական առաջնորդներին և նրանց ընտանիքի և համայնքի յուրաքանչյուր անհատին աջակցել պատվաստումների լրացուցիչ չափաբաժինների մորատորիումի` վճարումների հետաձգման մեր կոչին առնվազն մինչև սեպտեմբերի վերջ», - ասել է նա:

Միևնույն ժամանակ, ԱՀԿ փորձագետները կարծում են, որ այն կարող է երկարաձգվել՝ մինչև տարեվերջ ամբողջ աշխարհում բավարար թվով մարդկանց պատվաստելու համար: Կազմակերպության տվյալներով՝ աշխարհում առկա է գլոբալ անհավասարություն COVID-19-ի դեմ պատվաստանյութերի հասանելիության հարցում, իսկ ավելի աղքատ երկրներում շատ ավելի քիչ մարդիկ են լիովին պատվաստվում կամ ստանում առնվազն մեկ դեղաչափ, քան հարուստ երկրներում, որտեղ արտադրվում են պատվաստանյութեր և կառավարությունները սկսել են խոսել նորից պատվաստման մասին:

Ավելի վաղ ԱՀԿ գլխավոր տնօրենը նաև կոչ էր արել մինչև սեպտեմբեր յուրաքանչյուր երկրում պատվաստել բնակչության առնվազն 10 տոկոսին: