Թուրքիայի արևմուտքում ավտոբուսի վթարի հետևանքով՝ 9 մարդ է զոհվել

Թուրքիայի արևմտյան Մանիսա նահանգում տեղի ունեցած ավտոբուսի վթարի հետևանքով՝ 9 մարդ է զոհվել, 30 -ը վիրավորվել են, հայտնում է Anadolu-ն:
Հաղորդվում է, որ Ստամբուլից Իզմիր ուղևորվող ավտոբուսը Սոմա քաղաքի մոտ բախվել է բեռնատարին: Վեց մարդ մահացել է տեղում, երեքը՝ հիվանդանոցում: Տուժածները հոսպիտալացվել են: Ընդհանուր առմամբ՝ ավտոբուսում եղել է 50 մարդ: Վթարի պատճառների բացահայտման համար հետաքննություն է ընթանում: