Մարդկության համար «իրական վտանգի ժամանակաշրջան» է․ ԱՀԿ ղեկավարը նախազգուշացրել է

Մարդկությունն այժմ իրական վտանգի առջև է կանգնած՝ կորոնավիրուսային վարակի տարածման պատճառով՝ չնայած պատվաստման գործում ունեցած հաջողություններին, ասել է ԱՀԿ գլխավոր տնօրեն Թեդրոս Գեբրեսուսը:

«Պատվաստանյութերի ռեկորդային ժամանակում մշակման շնորհիվ՝ մենք մեծ առաջընթաց ենք գրանցել: Բայց այժմ աշխարհը պատված է իրական վտանգով: Մեր նախկին հաջողություններից շատերը ոչնչացվում են», - ասել է Գեբրեսուսը: Նրա ելույթի տեքստը հրապարակված է կազմակերպության կայքում: Ինչպես պարզաբանել է ԱՀԿ ղեկավարը, COVID-19 դեպքերի թվի աճը պայմանավորված է նրանով, որ մարդիկ դադարում են ենթարկվել սոցիալական շփումների սահմանափակումներին, առողջապահական համակարգերն աշխատում են անհետևողական, իսկ պատվաստումների մակարդակը անհավասար է:

Նախօրեին Գեբրեսուսը նաև կոչ էր արել պատվաստման վերաբերյալ ժամանակավոր մորատորիում սահմանել  մինչև սեպտեմբերի վերջ:

Ըստ ԱՀԿ գնահատականների՝ աշխարհում դեռևս պահպանվում է COVID-19- ի դեմ պատվաստանյութերի հասանելիության գլոբալ անհավասարությունը, իսկ ավելի աղքատ երկրներում շատ ավելի քիչ մարդ է լիովին պատվաստվում կամ ստանում առնվազն մեկ դոզան, քան հարուստ երկրներում, որտեղ արտադրվում են պատվաստանյութեր, և կառավարությունները սկսել են խոսել երրորդ անգամ պատվաստման մասին: