Մահվան ելքով ավտովթար՝ Ասկերան-Ստեփանակերտ ճանապարհահատվածին
Արցախ
Այսօր՝ ժամը 12:55-ին, ՆԳ նախարարարության ԱԻՊԾ 911 ահազանգման կենտրոնում, միաժամանակ ոստիկանության հերթապահ մասում հաղորդում է ստացվել, որ Ասկերան-Ստեփանակերտ ճանապարհահատվածի 8-րդ կիլոմետրին տեղի է ունեցել ճանապարհատրանսպորտային պատահար: Այս մասին հայտնում են Արցախի ՆԳ ԱԻՊԾ լրատվական ծառայությունից:
Դեպքի վայր են մեկնել ԱՀ ՆԳ նախարարության ԱԻՊԾ արագ արձագանքման հատուկ ստորաբաժանման հերթապահ խումբը՝ ծառայության տնօրեն Մեխակ Արզումանյանի գլխավորությամբ, ինչպես նաև ոստիկանության ՃՈ օպերատիվ հերթապահ խումբը:
Պարզվել է, որ իրար են բախվել «Վազ 2107» և «Նիսսան Տիանա» մակնիշի ավտոմեքենաները: «Վազ 2107» մեքենայի վարորդ՝ Ստեփանակերտ քաղաքի բնակիչը /ծնված 1963թ./ շտապ բժշկական օգնության մեքենայով տեղափոխվել է բուժհաստատություն: Ցավոք նրա կյանքը փրկել չի հաջողվել:
«Նիսան Տիանա» մեքենայի վարորդ՝ Ստեփանակերտ քաղաքի բնակիչ Ա.Ա-ին /ծնված 1996թ./ փրկարար ծառայողները մարմնական վնասվածքներով տեղափոխել են հիվանդանոց: Նրա առողջական վիճակը բավարար է:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
