Հակառակորդը ոչ մի ձև չպետք է նույնիսկ մտածի ներթափանցել մեր տարածք. ՀՀ պաշտպանության նախարար
ՀայաստանՀակառակորդը ոչ մի ձև չպետք է նույնիսկ մտածի ներթափանցել մեր տարածք։ Դա ձեր խնդիրն է։ Այս մասին Ալեքսանդր Ցականյանին երրորդ զորամիավորմանը ներկայացնելիս հայտարարել է ՀՀ պաշտպանության նախարար Արշակ Կարապետյանը:
«Դրա համար կորպուսի հրամանատարը և զորամասի հրամանատարները, ստորաբաժանումների հրամանատարները՝ սկսած դիրքի հրամանատարից, ունեն բոլոր իրավունքները կիրառել բոլոր միջոցները մեր սահմանները պաշտպանելու նպատակով։
Միևնույն ժամանակ, մենք ոչ մի ձև չենք ուզում ոչ մի ուղղության վրա սրացումներ, բայց եթե փորձեցին ներթափանցել մեր տարածք, ես բոլորիդ հրամայում եմ կիրառել բոլոր միջոցները, որ այդ միտումները հաջողության չհասնեն»,- ասել է Կարապետյանը:
Հիշեցնենք, որ Ալեքսանդր Ցականյանը նշանակվել է 3-րդ բանակային կորպուսի հրամանատար:
Մանրամասները` «Զինուժ մեդիա»-ի տեսանյութում:
Ամենադիտված 
Մնաս բարյավ. Րաֆֆի Հովհաննիսյան
