ՔՊ-ական մարզպետների ԽԾԲ-ն. Արարատ Գրիգորյան

Մեկնարկող նոր շարքով ձեր ուշադրությանն ենք ներկայացնելու ՔՊ-ական այն մարզպետներին, ովքեր պաշտոնը ստանձնելուն պես մարզպետարանում և կից կառույցներում, ժամանակ չկորցնելով, յուրայինների են աշխատանքի դասավորել, այսպես ասած՝ շարունակելով Արարատի նախկին մարզպետ Գարիկ Սարգսյանի ավանդույթները:

Տրդատ Սարգսյանի հրաժարականից հետո Վայոց ձորի մարզպետ նշակակվեց փաստաբան Արարատ Գրիգորյանը, ով մինչ այդ զբաղվում էր Վայոց ձորի նախկին մարզպետ Սարգսյանի օգնականի՝ Հարություն Գրիգորյանի պաշտպանությամբ ծեծկռտուքի գործով։ Ստանձնելով Վայոց ձորի մարզպետի պաշտոնը՝ Արարատ Գրիգորյանը դադարեցրել էր պաշտպանել նախկին մարզպետի օգնականի շահերը: Լրատվական կայքերը գրել էին, այն մասին, որ այդ նշանակումից հետո մարզպետարանում ուշագրավ զարգացումներ են տեղի ունեցել: 

Մասնավորապես՝ AntiFake.am-ին դիմած քաղաքացին տեղեկություններ փոխանցեց Վայոց ձորի մարզպետարանում առկա «ֆեյք» հաստիքների մասին: Քաղաքացու պնդմամբ՝ մարզպետարանում ստեղծվել են «ֆեյք» հաստիքներ` իշխանական ուժի ներկայացուցիչների մտերիմներին և «հեղափոխության» իրականացման մեջ իրենց «ավանդը» ներդրած անձանց «տեղավորելու» համար։«Խոսքը մասնավորապես վերաբերվում է ներկայումս մարզպետարանում աշխատող «ՔՊ»-ական Նարեկ Մարտիրոսյանին, ով անցյալ տարի է իր մտերիմ ընկերոջ կապերի շնորհիվ ընդունվել համալսարան՝ ՀՊՏՀ Եղեգնաձորի մասնաճյուղ, և Անի Մխիթարյանին, որը շաբաթվա միայն 3 օրն է ներկայանում աշխատանքի (0.7 դրույք), սակայն դրա դիմաց ստանում է 220.000 դրամ աշխատավարձ և պարգևավճարներ։ Նույնքան էլ ստանում է Նարեկ Մարտիրոսյանը»,- լրատվամիջոցին տեղեկացրել է քաղաքացին։