ՔՊ-ական մարզպետների ԽԾԲ-ն. Գնել Սանոսյան

Ընթերցողի ուշադրությանն ենք ներկայացնում ՔՊ-ական մարզպետների ծանոթ-ընկեր-բարեկամներին, ովքեր վերջիններիս ղեկավարման ընթացքում տարբեր պաշտոնների են արժանացել: Այսօր կանդրադառնանք Գեղարքունիքի նախկին մարզպետ Գնել Սանոսյանին, ով ընդամենը օրեր առաջ է լքել զբաղեցրած պաշտոնը:

Շրջանառվող լուրերի համաձայն` Վարդենիսի նախկին քաղաքապետ Արամ Հարությունյանի հրաժարականից հետո Փաշինյանի համաձայնությամբ պետք է նշանակվեր համայնքի ժամանակավոր պաշտոնակատարի թեկնածուն։ Վարդենիս քաղաքի բնանիչ Արսեն Ամիրխանյանն, ով զբաղվում է ավտոմասերի և տնտեսական ապրանքների վաճառքով, ոչ այլ ինչ է քան Գեղարքունիքի մարզպետ Գնել Սանոսյանի մտերիմը, վերջինիս խորհրդով ներկայանում է կառավարություն՝ որպես ժամանակավոր պաշտոնակատարի թեկնածու, և առաջարկում իրեն նշանակել այդ պաշտոնում։ Մարզում կատարած հարցումների արդյունքում պարզ դարձավ լուրի իսկությունը, սակայն վերոնշյալ թեկնածուն այդպես էլ դաբրոն չստացավ։ Այս մասին գրել է մամուլը: 

Այնուհետև Վարդենիսի քաղաքապետի ԺՊ նշանակվեց Արամ Մելքոնյանը, ով նույնպես Գնել Սանոսյանի ընկերն է:

Գեղարքունիքի մարզի Մեծ Մասրիկ համայնքի տարրական դպրոցում էլ կրքերը թեժացել էին, քանի որ դպրոցի տնօրեն էր կարգվել մարզպետի յուրային՝ Նազիկ Հովհաննիսյանը: Ավելին, դպրոցի ծնողները հրաժարվել են արդեն մի քանի օր իրենց երեխաներին դպրոց ուղղարկել, քանի որ ըստ իրենց դպրոցի տնօրենը նախկինում չարաշահումներ է իրականացրել, ապօրինի գումարներ հավաքել, ինչի համար իրենք որեւէ ցանկություն չունեն նույն տնօրենի հետ կրկին աշխատել: Հիշեցնենք, որ Նազիկ Հովհաննիսյանն ազատվել էր աշխատանքից, նորից մրցույթ էր նշանակվել ու կրկին նրան տնօրեն են «կարգել»: Դպրոցի անձնակազմի հավաստմամբ` Հովհաննիսյանը Սանոսյանի հովանավորությամբ էր կրկին հայտնվել տնօրենի պաշտոնում: