ՔՊ-ական պաշտոնյաների ԽԾԲ-ն. Ռոմանոս Պետրոսյան

Հանրության ուշադրությանն ենք ներկայացնում ՔՊ-ական նախկին և ներկա մարզպետներին, որոնց ծանոթ-ընկեր-բարեկամները հարմարավետորեն տեղավորվել են պետական կառավարման համակարգում: Այսօր կանդրադառնանք Կոտայքի նախկին մարզպետ Ռոմանոս Պետրոսյանին:

2019-ին մամուլում հայտնվեց «Արամուսի Վ. Առաքելյանի անվան միջնակարգ դպրոց» ՊՈԱԿ-ի կոլեկտիվի բաց նամակը՝ ուղղված վարչապետ Նիկոլ Փաշինյանին: Մանկավարժներն ահազանգում էին, որ դպրոցի տնօրեն նշանակված Նոնա Պողոսյանը Կոտայքի մարզպետ Ռոմանոս Պետրոսյանի ընտանիքի մտերիմն է, ինչի շնորհիվ էլ դարձել է տնօրեն:

Աբովյան քաղաքի Խաչատուր Աբովյանի անվան թիվ 1 ավագ դպրոցի կոլեկտիվը նույնպես բողոքի ակցիա էր իրականացնում ԿԳՄՍ նախարարության մոտ։ Պատճառը տնօրենի ընտրությունն է, նրանք պնդում են, որ տեղի է ունեցել անարդարություն, նշանակվել է Ռոմանոս Պետրոսյանի մտերիմը:

Կոտայքի մարզի Նոր Գեղի համայնքում: Օգոստոսի 31-ին համայնքի երկարամյա ղեկավարը հարկադրաբար հրաժարականի դիմում ներկայացրեց: 73-ամյա համայնքապետը, որը շուրջ 32 տարի ղեկավարել է այդ գյուղը, չհամակերպվեց այդ մտքի հետ: Նրա հրաժարականից հետո համայնքապետի ժ/պ նշանակվեց Վարդան Պապյանը, որը համարվում է Կոտայքի մարզպետ Ռոմանոս Պետրոսյանի մտերիմը:

Պետրոսյանի նախկին վարորդ Արման Հրաչի Միքայելյանը նշանակվել է Ակունք համայնքի ղեկավարի տեղակալ՝ բնականաբար, համապատասխան աշխատավարձով։ Ի դեպ, այն փաստը, որ Միքայելյանը եղել է Ռոմանոս Պետրոսյանի վարորդը, հաստատել են նաև մարզպետարանից՝ ասելով, որ աշխատել է մի քանի ամիս, սակայն հետո ազատվել է աշխատանքից։ Որոշ տեղեկությունների համաձայն՝ Միքայելյանն ու Ռոմանոս Պետրոսյանը ընտանիքներով մտերմություն են անում՝ նախկին մարզպետի կինն ու Միքայելյանի քույրը ընկերուհիներ են։

Ազգային ժողովի աշխատակազմի նոր ղեկավար Առնակ Ավետիսյանը, ով մարտի 17-ին Միրզոյանի կարգադրությամբ Առնակ Ավետիսյանը նշանակվել է ՀՀ ԱԺ աշխատակազմի ղեկավար-գլխավոր քարտուղար՝ Ռոմանոս Պետրոսյանի ընկերն է, և հենց  վերջինս է միջնորդել, որ նա նշանակվի այս պաշտոնում: Այս մասին գրել էր մամուլը: