Անահիտ Ավանեսյանի աղմկահարույց ծրագիրը. գերշահույթ «նախկինների» ԲԿ-ին

Առողջապահության նախարարության նախաձեռնությամբ իրավական ակտերում որոշակի փոփոխություններ են մտցվում, որպեսզի այն անձինք, որոնք չեն պատվաստվում, ամսական 2 անգամ ՊՇՌ թեստավորման արդյունք ներկայացնեն։ Սա նշանակում է, որ, օրինակ, շարքային ուսուցիչը կամ պետական ծառայողը ստիպված է լինելու իր գրպանից ամսական 30 հազար դրամ հատկացնել միայն թեստավորման վրա՝ ինչ է թե չազատվի աշխատանքից: Բացի նրանից, որ այս որոշումը ուղղակիորեն հարվածելու է քաղաքացիների՝ առանց այդ էլ բարակ քսակներին, հարցը ունի նաև մեկ այլ կողմ՝ գերշահույթ կարող են ապահովել այն ԲԿ-ները, որոնք իրականացնում են նմանատիպ թեստավորումներ և որտեղ վերը նշված քաղաքացիները կարող են ուղղորդվել՝ թեստ հանձնելու նպատակով: Տրամաբանական է, որ եթե դու ստիպում ես թեստավորել, կարող ես ստիպել նաև թեստավորվել կոնկրետ և քո կողմից նշված ԲԿ-ում, կամ լաբորատորիայում:

Օրինակ՝ արտերկիր մեկնելու նպատակով Հայաստանի քաղաքացիները նմանատիպ թեստեր են հանձնում «Աստղիկ» ԲԿ-ում, կամ «Վարդանանց» ԲԿ-ում: Իհարկե, դրանց թիվը չի սահմանափակվում այս երկուսով, սակայն, ուշագրավ են հենց սրանք, քանի որ մեկը պատկանում է իշխանությունների սրտի օլիգարխ Սամվել Ալեքսանյանին, իսկ մյուսը մամուլը կապում է առողջապահության նախկին նախարար Լևոն Ալթունյանի հետ: Ո՞վ է երաշխավորում, որ նախարարությունը քաղաքացիներին չի ուղղորդելու հենց այս ԲԿ-ները, արդյունքում՝ գերշահույթ ապահովելով վերջիններիս համար:

Կա հարցի նաև մյուս կողմը` նախարարությունը ոչինչ չի անում համոզելու և ապացուցելու հանրությանը, որ պատվաստվելն իրենից որևէ վտանգ չի ներկայացնում: Երկրում առկա է պատվաստվելու հակաքարոզ, սակայն քարոզը ակնհայտ կաղում է և այս պարագայում քաղաքացիները կարող են զարկ տալ կոռուպցիային՝ պարզապես կաշառք տալով բժշկին և պատվաստումը հաստատող կեղծ փաստաթուղթ գնել: Արդյո՞ք այս ռիսկերը նախարարությունը ևս հաշվարկել է, թերևս՝ ոչ...

Այս թեմայով Վազգեն Սարգսյանի անվան ռազմական ակադեմիայի պատվիրակությունն այցելել է Ֆրանսիայի զինված ուժերի նախարարություն և Սեն-Սիրի ռազմական ակադեմիա Հանձնաժողովը հաստատել է աղետի գոտում տուժած տնտեսվարողների ցանկը․ դիմումները կարող են ներկայացվել Էկոնոմիկայի նախարարություն Արաքս գետի վրա պատնեշի կառուցման նախագիծը Թուրքիայի հետ համաձայնեցման փուլում է․ ՏԿԵ նախարարություն Մեկնարկել է ԼՂ-ից տեղահանված ընտանիքների բնակարանային ապահովման պետական աջակցության ծրագրի շրջանակում առցանց դիմումների ընդունման գործընթացը. ԱՍՀ նախարարություն «Վերջին դաս» միջոցառումը կազմակերպելիս բացառել դրամահավաքը. ԿԳՄՍ նախարարություն