Էդուարդ Շարմազանով. Հայաստանի և Ադրբեջանի միջև տարբերությունը գնալով մեծանում է
Հայաստան
Նախօրեին Ադրբեջանի նախագահ Իլհամ Ալիևը Բաքվում դիվանագետների հետ հանդիպմանը հայտարարել է, որ հայացք նետելով անկախության ժամանակահատվածի Ադրբեջանի վրա՝ կարելի է տեսնել, որ այս 20 տարիների ընթացքում Հայաստանի եւ Ադրբեջանի միջև անդունդն ավելի է մեծացել:
Ալիևի այս հայտարարության կապակցությամբ կարծիք է հայտնել ՀՀ ԱԺ փոխնախագահ, ՀՀԿ խոսնակ Էդուարդ Շարմազանովը.
«Ադրբեջանի ղեկավարի այս հայտարարությունը ոչ այլ ինչ է, քան ինքնախոստովանություն: Իհարկե, Հայաստանի եւ Ադրբեջանի միջեւ տարբերությունը գնալով մեծանում է…
Միջազգային հեղինակավոր կազմակերպությունների գնահատմամբ՝ Հայաստանը կառուցում է խաղաղ ժողովրդավարություն, մինչդեռ Ադրբեջանը՝ հորից որդի ժառանգաբար փոխանցվող ավտորիտար պետություն: Այսօր Հայաստանում խրախուսվում են ժողովրդավարական արժեքները, իսկ Ադրբեջանում՝ ռասիզմն ու ֆաշիզմը:
Ավելին' աշխարհի ամենաազդեցիկ երկրների ղեկավարները բարձր են գնահատում Հայաստանի իշխանությունների՝ տարածաշրջանային անվտանգությանն ու կայունությանն ուղղված ջանքերը, միեւնուն ժամանակ' անխնա քննադատության ենթարկելով Ադրբեջանի ղեկավարի հակահումանիստական քայլը:
Մեզ համար հերոսներ են մեր շախմատի հավաքականի տղաները, իսկ նրանց համար՝ քնած զինվորին կացնահարողը:
Իսկապես տարբերությունը շատ մեծ է»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
