ՔՊ-ական պաշտոնյաների «մենամարտերը». Աննա Վարդապետյան, Ռուստամ Բադասյան

Շարունակում ենք ընթերցողի ուշադրությանը ներկայացնել ՔՊ-ական այն կարկառուն պաշտոնյաներին, ում ջրերը մեկ առվով չի հոսում: Այսօր կանդրադառնանք Աննա Վարդապետյան-Ռուստամ Բադասյան զույգին:

Մամուլի տեղեկություններով` վերջին շրջանում բավական լարվել էին արդարադատության արդեն նախկին նախարար Ռուստամ Բադասյանի եւ վարչապետի օգնական, Բադասյանի նախկին տեղակալ Աննա Վարդապետյանի հարաբերությունները: Հիշեցնենք, որ վերջինս եղել է Վճռաբեկ դատարանի քրեական պալատի նախագահ Դավիթ Ավետիսյանի, Վճռաբեկ դատարանի նախկին նախագահ Արման Մկրտումյանի, նախկին նախարար Դավիթ Հարությունյանի օգնականը, Արտակ Զեյնալյանի տեղակալը, որին փոխարինելուց հետո Բադասյանը հեռացրեց Վարդապետյանին: Կարճ ժամանակ անց նա հայտնվեց վարչապետի օգնականի պաշտոնում եւ սկսեց համակարգել դատական համակարգը եւ իրավապահը ոլորտը:

Շրջանառվող լուրերի համաձայն՝ փաշինյանական զանգովի արդարադատությունը հասել է այնտեղ, որ քաղաքական պատվերները պատվով կատարելու համար Վարդապետյանը ինքն է գրում քննիչների որոշումները, զեկուցում ու փոխանցում կալանքի ցուցումները եւ այլն: Նա ԱԱԾ նախկին պետ Արգիշտի Քյարամյանի հետ տանդեմ էր դարձել ընդդեմ Բադասյանի, եւ ըստ լուրերի՝ տեղյակ էր բոլոր օպերատիվ հետախուզական եւ քննչական գործողությունների բովանդակությունից, անհնազանդներին սպառնում է անձնական բնույթի տեղեկատվության արտահոսքով եւ այլն:

Փաշինյանի վստահությունը վայելող Բադասյանին այս ամենն, անկասկած, դուր չէր գալիս, սակայն նրան այդպես էլ չհաջողվեց միանձնյա ազդեցություն ձեռքբերել դատական համակարգում, բայց նա «գույքագրել» է Վարդապետյանի ակնհայտ հանցավոր գործունեությունը, որի մասին շատ են սկսել խոսել իրավապահ համակարգում և հարմար պահին օգտագործելու է այդ զենքն ընդդեմ վարչապետի օգնականի: