Ինչ՞ է մնացել Փաշինյանի հռչակած՝ թավշյա հեղափոխության արժեքներից (ֆոտոշարք)

Հեղափոխության օրերին տարբեր ամբիոններից հաճախ էր հնչում, այսպես կոչված, հեղափոխական արժեքները պահպանելու մասին կոչը: Ըստ Փաշինյանի, իշխանության գալուց հետո հեղափոխական թիմի գլխավոր խնդիրը պետք է լինի՝ նախկիններին չնմանվելը և այդ հռչակած արժեքները պահպանելը: Թե որքանով է դա ստացվել՝ կիմանանք ստորև:

Դիցուք՝ հեղափոխության օրերին Փաշինյանը ակտիվորեն քննադատում էր այն պաշտոնյաներին, ովքեր իր կաբինետներում պատից կախում էին Սերժ Սարգսյանի նկարը, անվանելով դա անձի պաշտամունք և վերադասին դուր գալու մոլուցք: Իսկ ինչ՞ մոլուցքով է տառապում ասենք Անդրանիկ Քոչարյանը, ում աշխատասենյակում երեկ նկատվել է վարչապետի լուսանկարը:

Իսկ սա՝ Սյունիքի դպրոցներից մեկն է

Հեղափոխության արժեքների մեջ էր մտնում նաև ծառայողական թանկարժեք մեքենաներից հրաժարվելը: Սա Փաշինյանի ավտոմեքենան է, որը արժեցել է 290 հազար դոլար:

Հռչակվում էր նաև, որ պաշտոնյաները այլևս խախտումներ չեն անի, հավասարը հավասարի պես կլինեն հպարտ քաղաքացիների հետ: Սա ևս Փաշինյանի ավտոշարասյունն է՝ խախտում անելուց:

Հայտարարվում էր, որ պաշտոնյաները իրենց արձակուրդները կանցկացնեն Հայաստանում՝ արդեն իսկ հայտնի է, որ մոտակա օրերս Փաշինյանը ընտանիքի հետ մեկնելու է Սոչի՝ այնտեղ հանգիստը վայելելու: Հպարտ քաղաքացիներին նաև հավատացնում էին, որ հեղափոխականների աչքը դրսի անշարժ գույքի վրա չի լինելու: Մինչդեռ՝ Երևանի քաղաքապետ Հայկ Մարությանը անշարժ գույք է գնել Չեխիայում:

Ապագա պաշտոնյաները խոստանում էին նաև չպահել հաստավիզ ախռաննիկներ: Մինչդեռ վերջիններս նոր Հայաստանում ոչ միայն կան, այլ նաև զենք են պահում հպարտ քաղաքացիների վրա

Կամ ծեծի են ենթարկում նրանց

Հայտարարվում էր, որ ԽԾԲ-ի ժամանակները անցել են, մինչդեռ Նոր Հայաստանում Նիկոլ Փաշինյանի քավորը դարձավ Տավուշի մարզպետ:

Ահա այսպիսինն է իրականությունը՝ հետհեղափոխական Հայաստանում, որտեղ իշխանությունները գրեթե յուրաքանչյուր օր ոտնահարում են իրենց իսկ կողմից հռչակած հեղափոխական արժեքները և անում դրանց տրամագծորեն հակառակը...