Թուրքիան մտադիր չէ վերածվել ներգաղթյալների եվրոպական «պահեստի»․ Էրդողանին

Թուրքիան մտադիր չէ Եվրոպայի համար ներգաղթյալների համար «պահեստի» վերածվել։ Անկարան նման պարտականություն, պատասխանատվություն կամ պարտավորություններ չունի: Այս մասին հայտարարել է Թուրքիայի նախագահ Թայիփ Էրդողանը երկրի կառավարության նիստից հետո հեռուստատեսային ուղերձում:

Թուրքական պետության ղեկավարը նշել է, որ միլիոնավոր մարդկանց համար գրավիչ կենտրոն դարձած Եվրոպան չի կարող հեռու մնալ անօրինական միգրանտների խնդրից՝ կտրուկ փակելով իր սահմանները միայն իր քաղաքացիների անվտանգությունն ու բարեկեցությունը պաշտպանելու համար:

Էրդողանի խոսքով՝ այս մոտեցմամբ՝ «Եվրոպան ոչ միայն խախտել է միջազգային իրավունքները, այլև հետ է կանգնել մարդասիրական արժեքներից»:

Թուրքիայի նախագահը անդրադարձել է նաև Աֆղանստանում տիրող իրավիճակին: Նա նշել է, որ այս երկրում ապրում է մինչև 5 հազար Թուրքիայի քաղաքացի: Նրա խոսքով՝ նրանցից մոտ 500 -ը, օտարերկրյա 83 քաղաքացիների հետ միասին, իրենց խնդրանքով հանձնվել են Թուրքիային: «Մենք արագորեն կտեղափոխենք մեր քաղաքացիներին իրենց հայրենիք, որոնք դեռ սպասում են իրենց վերադարձին», - ասել է նա:

Էրդողանը հավելել է, որ Աֆղանստանում, անկայունության և ներքին հակամարտությունների աճի հետ մեկտեղ, ավելանում է նաև Թուրքիա ժամանող անօրինական միգրանտների թիվը:

Ըստ Թայիփ Էրդողանի՝ Թուրքիան, անհրաժեշտության դեպքում, կշփվի «Թալիբան» շարժման կողմից ձևավորված կառավարության հետ: «Թալիբները գրավել են գրեթե ամբողջ երկիրը: Քանի որ մեր նպատակն ամենից առաջ այս երկրի կայունությունն ու անվտանգությունն է, անհրաժեշտության դեպքում՝ մենք կհանդիպենք նաև կառավարության հետ, որը կձևավորվի թալիբների կողմից», - ասել է Էրդողանը: