Նյու–Յորքի բնակչության 20%-ն աղքատ է

Ամերիկյան ամենամեծ մեգապոլիսում աղքատների թիվը հասել է մինչև 1.7 միլիոնի: Սա վերջին 10 տարիների ընթացքում աղքատության ամենամեծ ցուցանիշն է:

Ըստ ԱՄՆ-ում անցկացված մարդահամարի տվյալների՝ Նյու Յորքի բնակչության 20%-ը, այսինքն՝ 1.7 մլն մարդ արդեն գտնվում է աղքատության շեմին: Համեմատության համար նշվում է, որ ամբողջ Ռուսաստանի բնակչության ընդամենը 13%-ն է աղքատ: ԱՄՆ-ում աղքատ է համարվում այն ընտանիքը, որը բաղկացած է երեք հոգուց և նրանց տարեկան եկամուտը չի գերազանում 18,500 ԱՄՆ դոլարը:

Ըստ վերլուծաբանների՝ այդ տվյալները վկայում են, որ Նյու Յորքում շարունակում է սոցիալական անհավասարակշռություն տիրել: Այսպես՝ Մեգապոլիսի ամենահարուստ մարդկանց եկամուտների 20%-ը 40 անգամ գերազանցում է ամենաաղքատ մարդկանց եկամուտը:

Բացի այդ, եթե նախկինում ամենացածր աշխատավարձով աշխատողները հիմնականում երիտասարդներն էին, ապա այսօր տվյալ աշխատանքի համար դիմողների մոտ տարիքային սահմանափակումներ չկան:

Ըստ մարդահամարի տվյալների՝ աղքատության ամենաբարձր մակարդակը արձանագրվել է Նյու Յորքի իսպանախոս բնակիչների մոտ, երբ 65-ից բարձր տարիք ունեցողները չունեն բարձրագույն կրթություն և չեն կարողանում աշխատանք գտնել: