ՔՊ-ական նախարարների անցած ուղին. Ռոմանոս Պետրոսյան

Նիկոլ Փաշինյանի կաբինետի անդամների անցած ուղին շարունակում է մնալ ԼՈՒՐԵՐ․com-ի ուշադրության կենտրոնում: Այսօր կանդրադառնանք շրջակա միջավայրի պաշտպանության նախարար Ռոմանոս Պետրոսյանին:

Կան քաղաքական գործիչներ, որոնց կենսագրությունը և քաղաքական քայլերը չեն համապատասխանում միմյանց հետ։ Ռոմանոս Պետրոսյանը, խոշոր պետական, քաղաքական, կուսակցական գործիչ է, ինչպես իր մասին նշել է հայ Վիքիպեդիայում, բայց իր քայլերը և վարած քաղաքականությունը բոլորովին չեն համընկնում «վիկի» կենսագրությանը։ ՔՊ-ական Ռոմանոս Պետրոսյանը 2003թ. ավարտել է ԵՊՀ Երկրաբանության ֆակուլտետը՝ «Օգտակար հանածոների հանքավայրերի հետախուզում և գնահատում» մասնագիտությամբ: 2006-2007թթ.- աշխատել է «Հայր և Որդի Երիցյաններ» ընկերությունում: 2015-2016թթ. «ԷսԷյ-Ինթերփրայզիս» շինարարական հոլդինգի Կոմերցիոն բաժնի ղեկավար; 2017-2018թթ. «Բիզնես Ռեջենթ» ՍՊԸ տնօրեն: 2013թ-ից «Քաղաքացիական Պայմանագիր» հանրային-քաղաքական միավորման անդամ է, 2015թ.-ից «Քաղաքացիական Պայմանագիր» կուսակցության Վարչության անդամ է, 2018թ. հունիսի 1-ից՝ ՀՀ Կոտայքի մարզպետ

Կոտայքի մարզպետ եղած ժամանակ, մի քանի անգամ հայտնվել է սկանդալների կիզակետում։ Կոտայք ՋՕԸ-ում` ջրօգտագործողների միությունում միջադեպ էր տեղի ունեցել։ Կոտայքի մարզպետ Ռոմանոս Պետրոսյանն իր թեկնածուին էր ցանկացել նշանակել ՋՕԸ պետի պաշտոնակատար, սակայն գյուղացիները դիմադրել էին, ծեծկռտուք էր սկսվել։ ՋՕԸ-ի պետը՝ Գուգո Օսիպյանը, Ռոմանոս Պետրոսյանի մորաքրոջ տղան է, այդ պաշտոնում նրա նշանակմանը օգնել է Պետրոսյանի մեկ այլ բարեկամ Պավել Ցուգունյանը՝ մականունը՝ Պաշ ։

Սկանդալները շարունակվեցին նաև մարզպետի պաշտոնը թողնելուց հետո: Դրա վառ ապացույցն է՝ Խաչատուր Աբովյանի անվան թիվ 1 դպրոցում տեղի ունեցած սկանդալը ։

Հավաքվածների պնդմամբ՝ տնօրենի ընտրությանը մասնակցած Քարմիլե Առաքելյանը մրցույթին մասնակցելու հայտ է ներկայացրել դիմում-հայտերի լրացման համար սահմանված ժամկետի ավարտից կես ժամ առաջ, ու ընտրության ժամանակ էլ հավաքել է հանձնաժողովի 8 անդամից 4-ի ձայնը: Դպրոցի մաթեմատիկայի ուսուցչուհի Անահիտ Սողոմոնյանը վստահեցրեց՝ այդ 4 ձայնը հօգուտ Ք. Առաքելյանի են տվել Կոտայքի նախկին մարզպետ Ռոմանոս Պետրոսյանի հարազատները, որոնք ներգրավված էին բոլոր դպրոցների խորհուրդների կազմում՝ անհրաժեշտ ձայներ ապահովելու համար:;