«Փափուկ բարձ» սյունեցիների գլխի տակ. ինչո՞վ են զբաղված սյունեցի ՔՊ-ական պատգամավորները

Երեկ ուշ երեկոյան հայտնի դարձավ, որ են Շուռնուխով անցնող և դեպի Կապան տանող ճանապարհը, մամուլը գրեց նաև, որ դրան գումարվել է Քարահունջից իջնող ճանապարհը: Չնայած ստեղծված իրավիճակին՝ ՔՊ-ի սյունեցի պատգամավորները որևէ խնդիր դրանում չեն տեսնում: 

Արմեն Խաչատրյանը նույնիսկ հարկ չի համարել անդրադառնալ հարազատ մարզում տեղի ունեցող սադրիչ գործողություններին, իսկ ինչպես ասում են՝ լռությունը համաձայնության նշան է: Սյունեցի մյուս պատգամավորը՝ Նարեկ Ղահրամանյանն էլ փափուկ բարձ է դնում սյունեցիների գլխի տակ, հայտարարելով,որ ոչ մի սարսափելի բան տեղի չի ունեցել: Միևնույն ժամանակ ինքն իրեն հակասելով պատգամավորը նշում է,  որ եթե այս սահմաններն անցնեն խորհրդային քարտեզների համաձայն, ապա Գորիս-Կապան ճանապարհի որոշ հատվածներ կանցնեն Ադրբեջանին: Այսինքն այն, որ միջպետական ճանապարհի որոշ հատվածներ կանցնեն թշնամուն՝ դրա մեջ ՔՊ-ական պատգամավորը որևէ լուրջ խնդիր կամ մարտահրավեր չի տեսնում: Փոխարենը նա սյունեցիներին առաջարկում է մտածել այլընտրանքային ճանապարհների մասին, չբացատրելով, թե ինչու սյունեցին պետք է իր հողի վրա այլընտրանքային ճանապարհ կառուցի՝ սեփական հայրենիքում տեղաշարժվելու նպատակով:

Ինչպես հասկանում ենք՝ սյունեցի պատգամավորների հետաքրքրվածությունը սեփական մարզի խնդիրներով սպառվում է ՖԲ գրառումներով և ոչինչ չասող հարցազրույցներ տալով, պատգամավորների՝ աշխատանքային գործուղումների նպատակով հատկացված գումարներն էլ վերջիններս չեն պատրաստվում ծախսել՝ Գորիս կամ Կապան այցելելու համար...