ՔՊ-ական նախարարների անցած ուղին. Անդրանիկ Փիլոյան

Ընթերցողի ուշադրությանն ենք ներկայացնում՝ Նիկոլ Փաշինյանի կաբինետի հերթական անդամի՝ ԱԻՆ նախարար Անդրանիկ Փիլոյանի անցած ուղին:

Նախարարի կենսագրությունից տեղեկանում ենք, որ 1989թ-ի դեկտեբերին Արարատի շրջանի կամավորական ջոկատների միավորմամբ ստեղծվել է Մասիսի ջոկատը, որի կազմում է եղել նաև Անդրանիկ Փիլոյանը։ Հայկական բանակի կազմավորումից հետո Անդրանիկ Փիլոյանն անցել է ծառայության արդեն որպես սպա։ 1993թ-ին ջոկատի հիմքի վրա կազմավորվեց Մասիսի մոտոհրաձգային գումարտակը։ Առաջին զինվորական պաշտոնը՝ առանձին գումարտակի հետախուզական դասակի հրամանատար, հետախուզության պետն էր, այնուհետև գուարտակի հրամանատարի տեղակալը։ Հետո՝ գումարտակի հրամանատար, գնդի շտաբի պետ, բրիգադի հրամանատարի տեղակալ։ Մոսկվայի համազորային ակադեմիան գերզանց գնահատականներով ավարտելուց հետո նշանակվել է գնդի հրամանատար, այնուհետև բանակային զորամիավորման հրամանատարի տեղակալ ապա 5-րդ բանակային զորամիավորման հրամանատար: 2020 թվականի հուլիսի 7-ին ՀՀ նախագահ Արմեն Սարգսյանի հրամանագրով 5-րդ բանակային կորպուսի հրամանատար, գնդապետ Անդրանիկ Սուրենի Փիլոյանին շնորհվել է գեներալ-մայորի զինվորական կոչում: Փիլոյանին շնորհվել է նաև ՀՀ Ազգային հերոսի կոչում, ճիշտ է՝ հանրությանը դեռևս հայտնի չէ, թե այդ բարձր կոչումը գեներալ- մայորին հատկապես որ սխրանքների դիմաց են շնորհել: Փոխարինելով Ֆելիքս Ցոլակյանին՝ Փիլոյանը նշանակվել է ԱԻՆ նախարար:

Պաշտոնը ստանձնելուց հետո Փիլոյանը հասցրել է աշխատանքային հանդիպումներ ունենալ և քննարկել համագործակցության հնարավոր ծրագրերը ՀՀ-ում Արգենտինայի դեսպանի հետ: Հանդիպում է տեղի ունեցել նաև Հայաստանում նիդեռլանդների դեսպանի հետ: Հայտնի է դարձել, որ փրկարար ծառայությունը նորամուծություն տեղի կունենա՝ նախատեսվում է ստեղծել էթիկայի հանձնաժողով: