Պաշտոնյաներից ովքեր՞ են ջուր լցնում Ալիևի և էրդողանի «ջրաղացին»

Նիկոլ Փաշինյանը և վերջինիս թիմակիցները շարունակում են ջուր լցնեն հակառակորդի ջրաղացին, նախանձելի համառությամբ առաջ տանելով պրո-ադրբեջանական օրակարգը: Այսօր էլ կառավարության նիստի ընթացքում Նիկոլ Փաշինյանը որոշեց օգտագործել Սյունիքի բնակավայրերի ադրբեջանական տեղանունները, ինչով հարուցեց հանրության մի ստվար հատվածի զայրույթն ու դգոհությունը:

Բայց ինչպես ասում են՝ նա մենակ չէ, մենակ չէ, մենակ չէ: Նիկոլ Փաշինյանի թիմակից պատգամավոր Վահե Ղալումյանը հայտարարում է, որ Տավուշում ադրբեջանական տարածքներ կան: Նրա եղբայր մարզպետը Տավուշի մարզը հռչակել է վտանգավոր տարածք և տարակուսելի հրամաններ է արձակում: Սյունեցի պատգամավոր Նարեկ Ղահրամանյանը ջանք ու եռանդ չի խնայում համոզելու հանրությանը, որ Հայաստանի տարածքում ճանապարհ փակելը բնականոն երևույթ է, և դեռ մենք էլ պետք է մտածենք այլընտրանքային ճանապարհ կառուցելու մասին, որպեսզի հակառակոդը մեր երկրում իրեն հարմարավետ զգա: Նիկոլ Փաշինյանի թիմակից Հովիկ Աղազարյանը ԱԺ ամբիոնից ստանձում է Ռեջեփ Էրդողանի փաստաբանի դերը՝ հաթաթա տալով ընդդիմադիր պատգամավորին, թե ինչպես է վերջինս հանդգնում Թուրքիայի սուլթանին միջազգային հանցագործ անվանել: Վահան Քերոբյանը հրաժարվում է պատասխանել հարցին՝ Գորիս-Կապան ճանապարհը մերն է , թե ոչ: Սուրեն Գրիգորյանը, Նազելի Բաղդաարյանն ու Գևորգ Պապոյանը մեծագույն սթրես են ապրում , երբ նրանց հարց են ուղղում՝ Շուշին հայկական է, թե ոչ: Նրանք պարզապես հրաժարվում են պատասխանել այդ հարցին, իսկ լռությունը՝ ամեն ինչ ասում է նրանց փոխարեն:Դեռ 2019-ին , երբ պարբերաբար ԱԺ-ի ամբիոնից Մարիա Կարապետյանը փորձում էր արդարացնել Ադրբեջանի և Թուրքիայի վարած քաղաքականությունը, դա մի պահ ընկալվում էր որպես դիվանագիտական քայլ։ Ժամանակի ընթացքում պարզ դարձավ, որ այս պատգամավորրի յուրաքանչյուր քայլը հակա հայկական է ։

Եվ սա իհարկե ՝ հակառակորդի ջրաղացին ջուր լցնող ՔՊ-ական պաշտոնյաների ամբողջական ցանկը չէ: Հարց է առաջանում՝ կանխամտածված են նրանք անում այնպիսի հայտարարություններ, որոնք ցնծությամբ են ընդունվում Բաքվում, թե գործ ունենք քաղաքական անհեռատեսության և դիլետանտության հետ...