ՔՊ-ական նախարարների անցած ուղին. Գնել Սանոսյան

Նիկոլ Փաշինյանի կաբինետի անդամների անցած ուղին ներկայացնելիս, այսօր կանդրադառնանք ՏԿԵՆ նորանշանակ նախարար Գնել Սանոսյանին: Վերջինս մինչ այս պաշտոնը զբաղեցնելը հանդիսանում էր Գեղարքունիքի մարզպետ:

Սանոսյանի կենսագրական տվյալները այնքան էլ հարուստ չեն: 2000-2004թթ. սովորել է ԵՊՀ, Աշխարհագրություն մասնագիտությամբ, Աշխարհագրության բակալավրի աստիճան: 2004-2006թթ. սովորել է ԵՊՀ Աշխարհագրության մասնագիտությամբ, Աշխարհագրության մագիստրոսի աստիճան /մասնագիտացումը բնօգտագործում և բնապահպանություն; 2004-2010թթ. «Մակսեդան» օտար լեզուների վարժարանում` որպես աշխարհագրության ուսուցիչ: 2007-2010թթ. Երևանի հյուսիսային համալսարանում` որպես դասախոս;2014-2015թթ. «Կարդինալ Ինթերնեյշնլ» ՍՊԸ-ում, որպես վաճառքի պատասխանատու: 2006-2018թթ. Արտաքին տնտեսական կապերի համալսարանում` որպես դասախոս: «Հայկական աշխարհագրական ընկերություն» գիտական-հասարակական կազմակերպության անդամ է Կուսակցական պատկանելիությունը ՔՊ կուսակցության անդամ:

Մարզպետ աշխատելու տարիներին Սանոսյանը մի քանի անգամ հայտնվել է մամուլի ուշադրության կենտրոնում: Գրվում էր այն մասին, որ վերջինս իր մտերիմներին է նշանակում պաշտոնների: Դիցուք՝  Վարդենիսի քաղաքապետի ԺՊ նշանակվեց Արամ Մելքոնյանը, ով Գնել Սանոսյանի ընկերն է:Սանոսյանը հիշվել է նաև շնորհիվ իր էպոտաժային քայլի, երբ Սևանի ջրի մաքրությունն ու անվտանգությունը ապացուցելու նպատակով, որոշել էր անձամբ մտնել լիճ և լողալ: Մարզպետը նաև պետք է գտներ Սևանա կղզում ապօրինի օբյեկտների սեփականատերերին, սակայն, ինչպես երևում է, այս հարցում նա նույնպես առանձնապես չի շտապել՝ սեփականատերերը հանգիստ են, օբյեկտները՝ տեղում: