Հնդկաստանում գրեթե 70 մարդ մահացել է անհայտ հիվանդությունից

Հնդկաստանի Ուտար Պրադեշ նահանգում գրանցվել է անցած շաբաթվա ընթացքում անհայտ վիրուսային տենդից 68 մահվան դեպք, որոնցից 40-ը երեխաներ են։ 12 դեպքը գրանցվել է վերջին 24 ժամվա ընթացքում:
Ըստ տեղի առողջապահության նախարարության՝ հիվանդների մեծ մասի մոտ ախտորոշվել է բարձր ջերմություն, ջրազրկում և արյան մեջ թրոմբոցիտների մակարդակի նվազում: Հիվանդներից ոմանց մոտ նկատվել է նաև բարձր ջերմություն, ուժեղ գլխացավ, մկանային ցավ, սրտխառնոց և ավշային հանգույցների այտուցվածություն:

«Շրջաններում իրավիճակը տագնապալի է: Ջրհեղեղը, սանիտարական վիճակը և հիգիենայի բացակայությունը հիվանդության տարածման պատճառներն են», - ասել է բժիշկներից մեկը՝ Մանիշ Ասիան, Times of India-ին տված հարցազրույցում:

Հորդառատ անձրևների և բարձր ջերմաստիճանի հետևանքով առաջացած բարձր խոնավությունը տուժած շրջաններն իդեալական է դարձրել արյունը ծծող միջատների կողմից փոխանցվող վարակիչ հիվանդությունների տարածելու համար: