Միջազգային գիտաժողով անսովոր թեմայով

Սեպտեմբերի 7-ից 12-ը Երևանում անց է կացվել գիտաժողով «Ստոխաստիկ և մասնակի ածանցյալներով հավասարումների տեսության մեթոդները ֆինանսական մաթեմատիկայում» թեմայով: Հայաստանում նման թեմայով գիտաժողով անցկացվում է առաջին անգամ: Մինչ այդ հաճախակի անցկացվել էն գիտաժողովներ կամ մաթեմատիկայի ոլորտից, կամ ֆինանսների: Սակայն այդ ոլորտների գիտական միաձուլումը մի քիչ անսովոր է հանրության որոշ մասի համար:

Գիտաժողովում ներկայացված էին ինչպես այդ ոլորտի ամենաառաջատար երկրները, ինչպիսինն են Շվեյցարիան, Ավստրիան, Շվեդիան, Բրիտանիան, Միացյալ Նահանգները, Իտալիան և այլն, այնպես էլ երկրներ, որոնցում ֆինանսական մաթեմատիկան համեմատաբար նոր է զարգացել' Պորտուգալիան, Ռուսաստանը, Իրանը, Բրազիլիան և այլն, ընդհանուր առմամբ 18 երկիր:

Հպարտություն է պատճառում այն հանգամանքը, որ Հայաստանում գիտնականները, որոնք ոչ այնքան վաղուց են սկսել զբաղվել ֆինանսական մաթեմատիկայով, սակայն արդեն հասցրել են ունենալ զգալի (որոշակի) նվաճումներ: Հատկապես արագ է զարգանում տվյալ ուղղությունը ԳԱ-ի Մաթեմատիկայի Ինստիտուտում և ԵՊՀ-ի Մաթեմատիկայի Ֆակուլտետում:

Հարկ է նշել, որ տվյալ գիտաժողովը հնարավոր եղավ իրագործել Հայաստանի տարբեր հաստատությունների սեղմ համագործակցության շնորհիվ' մասնավորապես ԳԱ-ի Մաթեմատիկայի Ինստիտուտի, ԵՊՀ-ի Մաթեմատիկայի Ֆակուլտետի, Ամերիկյան Համասարանի, Գիտ. Պետ. Կոմիտեի և այլն:

Ի տարբերություն Հայաստանում անցկացվող այլ գիտաժողովների ճնշող մեծամասնության, այս գիտաժողովի հիմնական հովանավորությունը տեղական աղբյուրներից էր: Արտասահմանյան աջակցություն էին ցուցաբերել Միջազգային Մաթեմատիկական Միությունը և Շվեդիայի Տեխնոլոգիաների Թագավորական Ինստիտուտը:

Դա վկայում է այն հանգամանքի մասին, որ Հայաստանի, ինչպես նաև համաշխարային, հանրությունը հատկացնում է մեծ նշանակություն գիտության նմանատիպ ուղղությունների զարգացմանը:

Նարինե Ղազարյան