ՔՊ-ական նախարարների անցած ուղին. Կարեն Անդրեասյան

Շարունակում ենք ընթերցողի ուշադրությանը ներկայացնել կառավարության անդամների անցած ուղին և այսօր կանդրադառնանք արդարադատության նորանշանակ  նախարար Կարեն Անդրեասյանին:

Իրավաբանական գիտությունների թեկնածու Երեւանի պետական համալսարանի դոցենտ եւ ՀՀ փաստաբանների պալատի անդամ Կարեն Անդրեասյանը ծնվել է 1977 թվականին: 1994-2002թթ. Կ. Անդրեասյանը սովորել եւ մասնագիտացել է մի շարք հաստատություններում, այդ թվում` Երեւանի պետական համալսարանի իրավաբանական ֆակուլտետում եւ նույն ֆակուլտետի ասպիրանտուրայում, ԱՄՆ Քալիֆորնիայի նահանգի Բերկլիի Համալսարանում, Մեծ Բրիտանիայի Օքսֆորդի Համալսարանում, Մարդու իրավունքների կանադական կենտրոնում, Նիդերլանդների եվրոպական լրագրության կենտրոնում:  2005-2008թթ. աշխատել է Ամերիկյան իրավաբանների ընկերակցությունում` որպես իրավաբան, հետո գլխավոր իրավաբան, այնուհետեւ փոխտնօրեն: 2006-2007թթ. աշխատել է որպես ՀՀ Սահմանադրական դատարանի նախագահի խորհրդական: 2008-2011 թթ. աշխատել է որպես «ԴԻՖԵՆՍ» իրավաբանական ընկերության տնօրեն: 2007-2010 թթ․ իրականացրել է մի շարք հեռուստատեսային եւ հասարակական նախագծեր, այդ թվում` Եվրոպական լրագրության կենտրոնի հետ համատեղ կազմակերպել է տեղեկատվական իրավունքի եւ հետաքննական լրագրության բուհական մրցույթ լրագրող եւ իրավաբան ուսանողների համար:

Անդրեասյանը մշտապես աչքի է ընկել հատկապես դատական կոռուպցիայի դեմ մղած իր պայքարով: Զբաղեցնելով մարդու իրավունքների պաշտպանի պաշտոնը` Անդրեասյանը պետական կառավարման համակարգում մի շարք կարևորագույն խնդիրներ է վերհանել, այնպիսին ինչպիսիք են օրինակ՝ ընդերքաօգտագործման կանոնների խախտման վրա աչք փակելը, էկոնոմիկայի նախարարության կողմից ներդրողներին հայկական շուկայի առավելությունների ոչ պատշաճ ներկայացումը, հակամրցակցային տրամադրությունները բիզնեսում, գյուղացիների փոխհատուցման տրամադրելու հարցում թերացումները, առողջապահության նախարարության թերացումները, Անդրեասյանը նաև ներկայացրել էր դատական կաշառքի սակագները համակարգում՝ ինչը բուռն քննարկման առիթ էր տվել այն ժամանակ:

Այս թեմայով «Կներեք, պատրաստ չեմ հարցազրույց տալ». ՀՀ նախկին վարչապետ Կարեն Կարապետյան (տեսանյութ). 168.am Կարեն Խաչանովը դուրս է եկել Պեկինի մրցաշարի երկրորդ շրջան Պետքարտուղար Բլինկենն ու Թուրքիայի ԱԳ նախարար Հաքան Ֆիդանը հանդիպում են ունեցել Ինչ է հայտարարագրել ԲԴԽ նախագահ Կարեն Անդրեասյանը Կարեն Անդրեասյանը ՔՊ-ին սպառնացել է, որ ինքը հեռանալու է Գրիգոր Մինասյանի հետ. 24news.am