«Հիմնական բնազդի» մեղսավոր գեղեցկուհին հոսպիտալացվել է

The Associated Press-ը կիրակի հայտնել է այն մասին, որ հոլիվուդյան աստղ, դերասանուհի Շերոն Սթոունը ժամանակավոր հոսպիտալացվել է Միլանում:

Սթոունի առողջական վիճակն անսպասելիորեն վատթարացել է Միլանի նորաձևության շաբաթի շրջանակներում' «Fendi fashion show»-ի ժամանակ: Իտալական լրատվամիջոցների փոխանցմամբ դերասանուհին կորցրել է գիտակցությունը:

Ըստ TMZ տեղեկատվական կայքի տեղեկությունների' դերասանուհու մոտ ուժեղ գլխացավեր են սկսել: Հնարավոր հետևանքներից խուսափելու համար նրան շտապ տեղափոխել են հիվանդանոց:

Հիշեցնենք, որ Սթոունը «ուղեղի անեվրիզմայի» ախտանիշներով հիվանդանոց է տեղափոխվել 2001 թ.: Մի քանի ժամ անց հոլիվուդյան աստղը դուրս է գրվել հիվանդանոցից: Իսկ բժիշկներն հայտարարել են, որ նրա առողջական վիճակը կայուն է:

Միջադեպից հետո, 54 - ամյա դերասանուհին մասնակցում է ՁԻԱՀԻ բուժման բժշկական հետազոտությունների հիմնադրամի կազմակերպած բարեգործական միջոցառմանը,որի ընթացքում հաջողվել է հավաքել շուրջ 1,1 միլիոն դոլար:

Դերասանուհին, ով լեգենդար Մայքլ Դուգլասի հետ միասին փայլել է «Հիմնական բնազդը» թրիլլերում' բավականին հարուստ բարեգործական փորձ ունի: