Գտել են Մոնա Լիզայի «նախնիին»

Փորձագետներն ուզում են ապացուցել, որ Շվեյցարիայում պահպանված նկարը տաս տարով ավելի մեծ է, քան Լեոնարդո դա Վինչիի նկարած կտավը։
«Նախկին» Մոնա Լիզան ավելի երիտասարդ տեսք ունի՝ ի տարբերություն իր հայտնի անվանակցի։ Զարմանալի չէ, քանի որ, ըստ շվեցարացի մասնագետների կարծիքի, Լեոնարդո դա Վինչին այն նկարել է 10 տարի ավելի շուտ Լուվրում պահպանվող Մոնայից, որին հիմա ողջ մարդկությունը համարում է ամենամեծ գլուխգործոցը։

Եվս մեկ տարբերություն. նոր հայտնաբերված նկարը մի փոքր մեծ է  լուվրյան գլուխգործոցից։

«Այլուորտից Մոնա Լիզան» գտել են Անգլիայում Առաջին համաշխարհային պատերազմի նախաշեմին բրիտանիացի կոլեկցիոներ Հյուգո Բլոյկերի առանձնատներից մեկում։

Այդ օրվանից նկարը մեծ քննարկումների և վեճերի առիթ է դարձել։ Մարդկանց մի մասը կարծում է, որ «վաղ նկարված» Մոնա Լիզան պատկանում է Լեոնարդոյի վրձնին։ Մյուսները համոզված են, որ այն կրկնօրինակված է, գուցե հենց տաղանդավոր նկարչի աշակերտներից մեկի կողմից։

Մրցակից կտավը հիմա պահպանվում է շվեցարական բանկերից մեկի պահոցում և պատկանում է Մոնա Լիզայի շահույթ չհետապնդող ֆոնդին։
Մի քանի փորձագետներ այս շաբաթ պատրաստվում են անհերքելի պատմական ապացույցներ բերել ավելի վաղ նկարված կտավի նույնականացման վերաբերյալ։

Հոռետեսները նաև կարծում են, որ եթե հին Մոնա Լիզան 10 տարով ավելի երիտասարդ է, ապա այն, ըստ երևույթին, հենց 10 տարի վաղ է նկարվել հայտնի Մոնա Լիզայի կտավից։ Հայտնում է kp.ru-ն։