ՔՊ-ական մարզպետների անցած ուղին. Դավիթ Գևորգյան

Նիկոլ Փաշինյանի նշանակած մարզպետները աչքի են ընկնում իրենց սուղ կենսագրականներով , որոնցից էլ պարզ է դառնում, որ վերջիններս որևէ կապ նախկինում չեն ունեցել պետական կառավարման ոլորտի հետ: Այսօր կանդրադառնանք Արագածոտնի մարզպետ Դավիթ Գևորգյանի անցած ուղուն:

Դիցուք՝ Աշխատանքային գործունեությունը սկսել է 2012թ. հիմնելով «Բիզնես Քալչր» ՍՊԸ-ն, որը զբաղվում է մարքեթինգային գործունեությամբ և գովազդով: 2013-2015թթ. «Դանիելյան պրինտ» ՍՊԸ-ում («Նոյյան Տապան» տպագրատուն) զբաղեցրել է տնօրենի պաշտոն, 2016-2018 թթ. «Առգե բիզնես» ՍՊԸ-ում` շուկայի ուսումնասիրության մասնագետ: 2018թ. հունիսի 8-ին նշանակվել է ՀՀ տարածքային կառավարման և զարգացման նախարարի տեղակալի պաշտոնում, այնուհետև նշանակվել է մարզպետ: 

Այսինքն` մինչ հեղափոխությունը Գևորգյանը որևէ պետական պաշտոն չի զբաղեցրել, փոխարենը զբաղվել է բիզնեսով: Նշանակումից հետո վերջինս հայտնվել է մի շարք պատմությունների կիզակետում: Մասնավորապես, մամուլը գրում էր, որ մարզպետ Դավիթ Գևորգյանը հետաքրքիր նորամուծություն է արել՝ ամեն շաբաթ-կիրակի պարտադրում է մարզպետարանի աշխատակազմին իր անվամբ գործուղումներ ձևակերպել և «մեկնում» է մարզի համայքներ՝ դրա համար հանգստյան օրերին աշխատելու պատրվակով լրացուցիչ վարձատրվելով։ Նաև հայտնի էր դարձել, որ մինչ հեղափոխությունը մարզպետը աչքի է ընկել հավաքներից մեկի ժամանակ ՌԴ դրոշը տրորելով: Գևորգյանը նաև ակնհայտ մեծ սեր ունի պարգևատրումների հետ: նա հոկտեմբերին էր նշանակվել, սակայն դեկտեմբերի վերջին իրեն և մեկ ամիս աշխատած իր խորհրդական-օգնականներին պարգևատրել է աշխա­տավարձի 100 տոկոսի չափով: