Հնդկաստանում գրանցվել է մահացու Nipah վիրուսի բռնկում

Հնդկաստանի հարավային Կերալա նահանգում գրանցվել է վտանգավոր Nipah վիրուսի բռնկում, որից կիրակի օրը մահացել է 12-ամյա մի տղա, ևս երկու մարդու մոտ հայտնաբերվել են այս հիվանդության ախտանիշներ: Այս մասին հայտնում է NDTV հեռուստաալիքը՝ հղում անելով տեղական իշխանությունների աղբյուրներին:

Երկրի կառավարությունը շտապ հիվանդությունների վերահսկման ազգային կենտրոնի մասնագետների թիմ է ուղարկել Կերալա՝ բժիշկներին օգնելու համար: Փորձագետներն ասել են, որ անհրաժեշտ է հետևել հիվանդների շփումներին և անհապաղ կարանտինի ուղարկել բոլոր նրանց, ովքեր կապ ունեն հիվանդների հետ:

Nipah վիրուսն առաջին անգամ հայտնաբերվել է 1998 թվականին՝ Մալազիայում, և այդ ժամանակվանից ի վեր՝ հիվանդության բռնկումները պարբերաբար նկատվում են Ասիայում: Վիրուսը առաջացնում է ուղեղի բորբոքում և շնչառական ծանր հիվանդություններ, քանի դեռ դրա համար պատվաստանյութ չկա, իսկ 70% դեպքերում հիվանդությունը ավարտվում է մահվան ելքով:

Չղջիկները համարվում են հիվանդության կրողներ՝ խոշոր չղջիկներ, որոնց այստեղ հաճախ անվանում են թռչող աղվեսներ: Նրանք մրգեր են ուտում, հատկապես մանգո, բանան, արմավենու քաղցր հյութ, և նրանց վարակված թուքը կարող է հասնել մարդուն: Հետևաբար, իշխանությունները նախազգուշացնում են, որ չպետք է ուտել կամ գետնից վերցնել կծված կամ վնասված պտուղները:

2018-ին Nipah վիրուսի բռնկում գրանցվեց նաև Կերալա նահանգում։ Մահացավ 17 մարդ: