ՔՊ-ական մարզպետների անցած ուղին. Հովհաննես Հարությունյան

Շարունակում ենք ընթերցողի ուշադրությանը ներկայացնել ՔՊ-ական մարզպետների անցած ուղին, կենսագրությունը և ձեռքբերումները: Այսօր կանդրադառնանք Շիրակի ՔՊ-ական մարզպետ Հովհաննես Հարությունյանին:

Եվ ասպես, վերջինիս կենսագրությունից տեղեկանում ենք, որ Հարությունյանը որևէ կապ չունի ոչ քաղաքականության, ոչ էլ պետական կառավարման համակարգի հետ: Ահա թե ինչպիսի մասնագիտական ճանապարհ է նա անցել. 2013 թ․-ից բժիշկ-վիրաբույժի մասնագիտական գործունեություն է ծավալել Մոսկվայի ՆԳԳՎ կլինակական հոսպիտալում, այնուհետև այլ մասնավոր կլինիկաներում : 2016 2018թթ․ ղեկավարել է Շիրակի մարզի «Բեռլին պոլիկլինիկան»: 2018 թ․- նշանակվել է ՀՀ ԱՆ «Սուրբ Գրիգոր Լուսավորիչ» ԲԿ-ի տնօրենի տեղակալ՝ պոլիկլինիկական ծառայության գծով: 2019 թ․ փետրվարից զբաղեցրել է առողջապահության նախարարի խորհրդականի պաշտոնը: 2019 թ․ ապրիլից զբաղեցրել է առողջապահության նախարարի տեղակալի պաշտոնը: 2021 թվականի հունվարի 21-ին նշանակվել է ՀՀ Շիրակի մարզպետ:

Արդեն իսկ հայտնի է, որ Գյումրիում կայանալիք քաղաքապետի ընտրություններում քաղաքագլխի ՔՊ-ական թեկնածուն լինելու է հենց Շիրակի գործող մարզպետը: Ինչո՞վ է աչքի ընկել Հարությունյանը այս ընթացքում: Նախ և առաջ նրա շնորհիվ՝ մարզ կատարած Փաշինյանի այցը իսկապես դարձավ անմոռանալի, այն պարզ պատճառով, որ էժանագին շոու-փիառը միանգամից ջրի երես դուրս եկավ` դառնալով հանրության ծաղրի առարկան, իսկ մամուլը գրեց, որ բեմադրության ռեժիսորը անձամբ մարզպետն էր: