Բացահայտումներ Բենղազիում սպանված ԱՄՆ-ի դեսպանի օրագրից

Բենղազիում սպանված ԱՄՆ-ի դեսպան Քրիստոֆեր Սթիվենսի ընտանիքը խնդրել է ԱՄՆ-ի պետդեպարտամենտին միջամտել դեսպանի անձնական օրագրի տվյալների հրապարակման մեջ: The Wall Street Journal-ը հաղորդում է, որ CNN-ը օրագրում տեղ գտած դրվագների հիման վրա ռեպորտաժներ է նկարահանել և ցուցադրել: Պետդեպարտամենտում այդ արարքը որակեցին «նողկալի»: Հիլարի Քլինթոնի ավագ խորհրդական Ֆիլիպ Ռայնսը նշել է, որ CNN-ի այս արաքով ոչ մի կերպ հպարտանալ չի կարելի:

Հասկանալի չէ, թե ինչ միջոցներով է Սթիվենսի օրագիրը հայտնվել լրագրողների ձեռքին: CNN-ի պաշտոնական կայքում տեղադրված հաղորդագրության համաձայն՝ օրագիրը հայտնաբերվել է հյուպատոսարանի հատակին դեսպանի վրա կատարած հարձակումից հետո:

Ի պատասխան քննադատների՝ CNN-ը հայտարարել է, որ սկզբնական շրջանում չի ցանկացել հրապարակել օրագրում տեղ գտած տեղեկությունները՝ նրա ընտանիքի հանդեպ ունեցած հարգանքից ելնելով, սակայն հետագայում համոզվել են, որ օրագրում պարունակվող տեղեկությունները կարող են շատ կարևոր լինել իրադարձությունների լուսաբանման համար:

Դեսպանի մասին հրապարակած ռեպորտաժներից մեկի հեղինակը եթերում պատմել է, որ Սթիվենսն անհագստացած էր Բենղազիում իր անվտանգության վիճակի համար, ինչպես նաև համարում էր, որ ինքը նույնպես տեղ է գտել Ալ Քաիդայի կազմած «գնդակահարման ցուցակ»-ում: Այդ տեղեկությունը Կոնգրեսսի կողմից Օբամայի վարչակարգի քննադատության համար լուրջ առիթ դարձավ: Օբաման մեղադրվեց Բենղազիում դիվանագետի անվտանգության ապահովության թերացման մեջ:

Լրագրողն ավելի ուշ խոստովանեց, որ այդ տեղեկությունն ինքը վերցրել էր դեսպանի օրագրից, իսկ Բենղազիում անվտանգության հարցում ունեցած թերացումները, ըստ SNN-ի, հաստատվում են նաև այլ աղբյուրներով: