ՔՊ-ական մարզպետների անցած ուղին. Հայկ Ղալումյան

Շարունակելով ներկայացնել ՔՊ-ական պաշտոնյաների, այս դեպքում՝ մարզպետների անցած ուղին և ուշագրավ պատմությունները, որոնցում վերջիններս հայտնվել են, այսօր կանդրադառնանք Տավուշի մարզպետ Հայկ Ղալումյանին:

Ղալումյանի պաշտոնական կենսագրությունից տեղեկանում ենք, որ նա ունի հետևյալ աշխատանքային փորձը.  1995-2001թ «Իջևանի բնակչության կենցաղսպասարկում» հիմնարկ՝ տնտեսագետ, 2002-2005թ «Հայջրմուղկոյուղի» ՓԲԸ «Իջևան» մասնաճյուղ՝ տնտեսագետ, 2005-2007թ ՀՀ աշխատանքի և սոցիալական հարցերի նախարարության ՀՀ աշխատանքի պետական տեսչության Տավուշի մարզի տարածքային կենտրոն՝ առաջատար մասնագետ, 2007-2008թ  «Հայէկոնոմբանկ» ԲԲԸ «Մետաքս» մասնաճյուղ՝ վարկային մասնագետ, 2008-2010թ «Հայէկոնոմբանկ» ԲԲԸ «Իջևան» մասնաճյուղ՝ կառավարչի տեղակալ, վարկ-ավանդային բաժնի պետ, 2010-2019թ  «Հայէկոնոմբանկ» ԲԲԸ «Իջևան» մասնաճյուղ՝ կառավարիչ, 2019-2021թ ՀՀ Տավուշի մարզի Իջևան համայնքի ղեկավարի պաշտոնակատար, 2021թ ապրիլի 8-ին ՀՀ կառավարության որոշմամբ նշանակվել է ՀՀ Տավուշի մարզպետ:

Ինչպես տեսնում ենք՝ կարիերային թռիչքը ակնհայտ է, իսկ այդ թռիչքը բացատրվում է նրանով, որ Ղալումյանը վարչապետ Փաշինյանի քավորն է: Եվ ինչպես և ենթադրվում էր, վերջինս զերծ չի մնացել այս ընթացքում սկանդալների կիզակետում հայտնվելուց:  Երևանի ավագանու անդամ Դավիթ Խաժակյանը հետաքրքիր բացահայտում էր արել, որից պարզ դարձավ, որ Երևանի քաղաքապետարանի կողմից հայտարարված բազմաբնակարան շենքերի շքամուտքերի վերանորոգման մրցույթը շահած ընկերությունը բանկային կեղծ երեշխավորություն էր ներկայացրել։ Հետագայում պարզվել էր նաև, որ կեղծ փաստաթուղթ ներկայացրած ընկերությունը պատկանում է Վահագն Ղալումյանին, ով  Հայկ Ղալումյանի մտերիմ ազգականն է։ Վերջերս էլ մամուլը գրել էր, որ Ղալումյանն ընտրություններից հետո Աչաջուր համայնքի և Իջևանի բժշկական կենտրոնների տնօրեններին՝ Կորյուն Վարդապետյանին և Էդուարդ Գրիգորյանին, փոխանցել է՝ ազատման դիմումներ գրել․ առայժմ «լավով» են զգուշացրել։ Բուժկենտրոնի ղեկավարների հանցանքն այն է, որ իրենց շրջապատում ընդամենը չեն թաքցրել, որ ընտրելու են Ռոբերտ Քոչարյանի ղեկավարած «Հայաստան» դաշինքը;