ՔՊ-ական մարզպետների անցած ուղին. Արամ Խաչատրյան

Ընթերցողի ուշադրությանն ենք ներկայացնում Լոռու մարզպետ Արամ Խաչատրյանի կենսագրությունը և անցած ուղին:

Մարզպետարանի կայքում տեղադրված վերջինիս կենսագրությունից պարզ է դառնում, որ Խաչատրյանը ունի հետևյալ աշխատանքային փորձը` 2010-2018թթ. աշխատել է Լոռու մարզի Վահագնաձոր համայնքի հիմնական դպրոցի նախնական զինվորական պատրաստության ուսուցիչ, 2012-2016թթ. եղել է Վանաձորի ավագանու անդամ, 2018թ. եղել է Լոռու մարզպետի տեղակալ: 2018թ. դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 9 ընտրատարածքի տարածքային ընտրական ցուցակով: 2020թ. դեկտեմբերի 17-ի ՀՀ կառավարության թիվ 2064-Ա որոշմամբ նշանակվել է Լոռու մարզպետ:

Ինչպես տեսնում ենք, Խաչատրյանը բավական լուրջ կարիերային թռիչք է ունեցել` ուսուցչից հասնելով մարզպետի պաշտոնի: Սակայն, ինչո՞վ է նա այդ պաշտոնում աչքի ընկել:

Դիցուք՝ մարզպետը չի ցանկանում խոսել իր կնոջ դեմ հարուցված քրեական գործից: Հիշեցնենք, որ իշխանափոխությունից հետո Լոռու մարզպետարանում գործող կրթության, մշակույթի և առողջապահության ոլորտների երեք հիմնադրամներն էլ հայտնվել էին ոստիկանության ուշադրության կենտրոնում։ Հիմնադրամներից ամենամեծը՝ «Լոռու դպրոցը», հիմնադրումից ի վեր ղեկավարել է մարզպետ Արամ Խաչատրյանի հայրը՝ Մայիս Խաչատրյանը։ Հիմնադրամում աշխատում էր նաև նորանշանակ մարզպետի կինը՝ Մայա Մուրադյանը։ Ոստիկանությունը հիմնավոր փաստեր էր ձեռքբերել, որ տասնամյակներ շարունակ այդ հիմնադրամներին հանգանակություններ արած ուսուցիչներն ու բուժաշխատողները ոչ թե կամավոր են վճարումներ կատարել, այլ ամեն ամիս նրանց աշխատավարձից պարտադրաբար գանձումներ են արվել։ Ամենից հետաքրքրականը, սակայն, այստեղ այն փաստն է, որ հիմնադրամի հոգաբարձուների խորհրդի նախագահ ի պաշտոնե Լոռու մարզպետն է, այս դեպքում արդեն Արամ Խաչատրյանը, որին, ստացվում է՝ հաշվետու է հայրը: Ակնհայտ է շահերի բախումը։

Նոր էր մարզպետը ստանձնել պաշտոնը, երբ պարզ դարձավ, որ Փաշինյանի հրաժարականը պահանջելու համար աշխատանքից հեռացրել են Վանաձորի թիվ 3 պոլիկլինիկական հիվանդանոցի տնօրեն Արտակ Եդոյանին: Դա դուր չի եկել Խաչատրյանին, ով էլ որոշել է նման հրաման արձակել: Եղոյանը իր հերթին դատի է տվել մարզպետին:

Այս թեմայով Ինձ չեն հրավիրել Մայր Տաճարի վերաօծմանը. Արմավիրի մարզպետ (տեսանյութ) Կալավանի հրաշքը․ երբեմնի անկուսակցական, այսօր արդեն՝ ՔՊ-ական Սյունիքի մարզպետ Ռոբերտ Ղուկասյանի ձեռքբերումները Շիրակի մարզի ներուժն ու ներդրումային գրավչությունը ճիշտ ներկայացնելու խնդիր ունենք․ մարզպետ Ադրբեջանը Գեղարքունիքում օկուպացրած տարածքներ ունի, որից պիտի դուրս գա․ Գեղարքունիքի մարզպետ Չկա մարզում այնպիսի ոլորտ, որին ԶՊՄԿ-ն աջակից չէ, որի համար շնորհակալ եմ․ Սյունիքի մարզպետ