ՔՊ-ական մարզպետների անցած ուղին. Կարեն Սարգսյան

Շարունակելով ընթերցողի ուշադրությանը ներկայացնել ՀՀ մարզպետների անցած ուղին և կենսագրությունը` այսօր կանդրադառնանք Գեղարքունիքի նորանշանակ մարզպետ Կարեն Սարգսյանին:

Ահա վերջինիս կենսագրության ուշագրավ դրվագները: 2002-2004թթ. ծառայել է ՀՀ զինված ուժերում: 2009-2015թթ. տեղափոխվել է ՌԴ հանրապետության մայրաքաղաք Մոսկվա՝ զբաղվել ձեռներեցությամբ: 2016թ. ընդունվել և սովորում է Մոսկվայի մարզային իրավունքի և կառավարման ինստիտուտի Մենեջմենթի բաժինը: 2018թ. առաջադրվել է Ազգային ժողովի պատգամավորի թեկնածու՝ «Իմ քայլը» դաշինքի կողմից: 01.04.2019թ. – 04.05.2019թ. «Գեղարքունիք» ՋՕԸ, փոխտնօրեն 04.05.2019թ. – 15.11.2019թ. - «Գեղարքունիք» ՋՕԸ, տնօրեն 20.11.2019թ. – «Մելիորացիա» ՓԲԸ, գլխավոր տնօրենի ժ/պ «Քաղաքացիական պայմանագիր» կուսակցության անդամ է։ 2020-ին նշանակվել է Ջրային կոմիտեի ղեկավար, իսկ ընդամենը օրեր առաջ ՝ Գեղարքունիքի մարզպետ:

Աշխատելով ջրային կոմիտեում Սարգսյանը փորձել է լուծել ոռոգման համակարգում առկա խնդիրները և որոշ չափով դա նրա մոտ ստացվել է: Ջրային կոմիտեն իր ուշադրության կենտրոնում է պահել ոռոգվող ստվերային հողատարածքները:Ջրի կորուստները նվազեցնելու նպատակով Ջրային կոմիտեն աշխատանքներ է նախատեսել ենթակառուցվածքների բարելավման ուղղությամբ: Այս տարի նախատեսված են հիմնանորոգման աշխատանքներ բոլոր Ջրօգտագորոծող ընկերություններում: Կկատարվեն ջրագծերի, հիդրոտեխնիկական կառույցների նորոգում, նոր պոմպակայանների ձեռք բերում, հների նորոգում: Տարածքային զարգացման հիմանդրամը կսկսի շինարարություն 105 համայնքում, նախատեսված են մոտավոր 260 կմ ներտնտեսային և միջտնտեսային համակարգերի նորոգում և կառուցում: