Ներկա և նախկին պաշտոնյաների ՍՊԸ-ները. ովքե՞ր են «բարեկարգում» մարզերը

Այնպես է ստացվել, որ մարզերում սուբվենցիոն ծրագրերի իրականացումը նույնպես դարձել է յուրայինների կամ այսպես կոչված` նախկինների ընկերություններին հարստացնելու միջոց: Դիցուք՝  համայնքների պաշտոնական կայքերից տեղեկանում ենք, որ խոշոր ծրագրեր են իրականացվել Գլաձոր համայնքում։

«Լայն շին» ՍՊԸ-ն և  «Ժիլյո» Ա/Կ-ն Գլաձոր համայնքի Գլաձոր բնակավայրում կատարել են ցամաքուրդի (դրենաժ) կառուցում և Վերնաշեն բնակավայրում ջրաչափական հորերի կառուցում։ Ծրագրի համար ֆինանսավորվել է 46 մլն 22 հազար դրամ։ «Լայն Շին» ՍՊԸ-ն կատարել է Գլաձոր համայնքի Գլաձոր բնակավայրի որոշ փողոցների գազիֆիկացման համալրում, Գլաձորի մշակույթի տան և Վերնաշենի մանկապարտեզի գազիֆիկացում: Այս ծրագրին հատկացվել է 29 մլն 810 հազար դրամ։  «Լայն շին» ՍՊԸ-ի տնօրեն Մասիս Շամիլյանի կինը՝ Լուսինե Բեկչյանը, «Իմ քայլը» խմբակցության փորձագետ է:

2020 թվականի սեպտեմբերի 2- ին Արենիի Համայնքապետարանում կայացավ Աղավնաձորի թվով 10 փողոցների գազատարի անցկացման շինարարական աշխատանքների իրականացման գնանշման հարցման մրցույթը, որին մասնակցեցին երկու շինարարական ընկերություններ։ Մրցույթի արդյունքում հաղթող ճանաչվեց «Լայն շին» ՍՊԸ-ն։ Աշխատանքի իրականացման համար ընկերությունը համայնքապետարանի կողմից ստանալու է 12720000 ՀՀ դրամ գումար։

2018-ին «Լայն շին»-ը զբաղվում էր Սևան համայնքի փողոցների ասֆալտաբետոնյա ծածկույթի փոսային նորոգման աշխատանքներով՝ ստանալով 13980000.00 ՀՀ դրամ: