Աշխարհի ամենահարուստ մարդը ներդրումներ է կատարել անմահությամբ զբաղվող ստարտափում

Աշխարհի ամենահարուստ մարդը՝ Amazon-ի հիմնադիր Ջեֆ Բեզոսը, ներդրում է կատարել Altos Labs ստարտափում, որը զբաղվում է ծերության դեմ պայքարող տեխնոլոգիաների ստեղծմամբ՝ ընդհուպ մինչև անմահություն: Այս մասին հաղորդում է Lenta.ru-ն` հղում անելով MIT Tech Review-ին:

Ընկերությունում զբաղվում են ծերացման գործընթացի ուսումնասիրությամբ և տեխնոլոգիաների մշակմամբ, որը կկարողանա փոխել մարդու բջիջները` ծերությունը հաղթահարելու համար: Հետազոտությունը հիմնված է Նոբելյան մրցանակ ստացած ճապոնացի գիտնական Յամանակա Սինյիի մշակումների վրա: Altos Labs-ի մասնագետները ծրագրում են բացահայտել մի միջոց, որը մարդու կյանքը կերկարաձգի 50 տարով: