Իսկույն քերծվող Apple iPhone 5-ը

Ի գիտություն «էյփլամանների»՝ Apple iPhone 5 նոր սմարթֆոնը շատ արագ է քերծվածքներ ստանում, ինչը հատկապես նկատելի է սև գույնի մոդելի վրա։ Չնայած դրան՝ սմարթֆոնը դիմանում է մարդու հասակի բարձրությունից անկմանը, գրում է Корреспондент.Biz-ը։

Օգտատերերը նշում են, որ նոր սմարթֆոնի սև մոդելը մետաղական իրերին՝ բանալիներին, մետաղադրամներին դիպչելիս քերծվում է։
Ամենայն հավանականությամբ, քերծվածքների ենթակա են և՛ սև, և՛ մոխրագույն մոդելները, սակայն սև մոդելների վրա դրանք ավելի նկատելի են։

Միևնույն ժամանակ, iFixYouri և Android Authority կայքերի անցկացրած փորձարկումները (crash-test) ցույց տվեցին, որ iPhone 5-ը մարդու հասակի բարձրությունից ընկնելուց հետո լուրջ վնասվածքներ չի ստանում և աշխատում է կանոնավոր կերպով։